Tragisk drikkevise
Enkelt, rått og effektivt om å vere avhengig av alkohol.
Martin Svedman er siviløkonom frå HEC Paris og har gått på forfattarstudiet i Tromsø.
Foto: Anna-Julia Granberg
Dikt
Martin Svedman:
Når jeg drikker
Cappelen Damm
Ustanseleg og desperat drikking er den definitive bensinen i debutantdikta til Martin Svedman. Dikta manar fram eit tragisk og destruktivt univers.
Bortsett frå ein viss hang til Berlioz og Mozart, er eg-personen eit botnlaust hol, som fortærer seg sjølv og omgivnadene. Boka teiknar opp ein alkoholikars veg mot botnen, frå å prøve ut alkoholhaldige drikkar i barndomsåra til å verte fullblods alkoholikar med tørkeperiodar og tilbakefall.
Velkjent mønster
Det heile faldar seg ut i ein knapp, hardkokt stil utan biletleg ornamentikk eller formildande grep. Ein registrerer altså raskt at det finst ein motsetnad mellom den overstadige eg-personens jakt etter alkoholrus og den korthogne, fragmentariske stilen, som ikkje freistar å forklare, berre skildre. Kunstmusikken frå dei høgare sfærane fungerer også som ein avstandsmålar til det eksistensielle nederlaget eg-personen er på veg mot.
Tidvis minner dikta om ein annan drikkediktars vitnemål, nemleg dikta til Charles Bukowski. Men ein må då trekkje frå at Svedmans dikt verkar å utspele seg i eit miljø med relativt trygge økonomiske rammer, ikkje blant randeksistensar i det nedste sosiale sjiktet.
Lite vert lagt imellom. Så lenge han er i stand til å drikke, i einsemd eller i lag med andre, drikk han seg frå jobboppdrag og frå kjærleiken – ja, frå alt, kunne ein seie, berre ikkje frå avgrunnen han eigenhendig har opna. Slik sett følgjer han eit velkjent mønster.
Eksistensiell tørst
Om ein ser dikta under eitt, og prøver å samle dei i éi tolking, kunne ein seie at dei tematiserer uendeleg eksistensiell tørst og mangel, kan hende òg gløymsle og ønsket om å fortrengje alt av medvite liv og liding. Ei forklaring på drivkrafta attom alkoholmarineringa, får ein ikkje, anna enn at han «har/ en begavelse/ for ekstase» og at lesaren sjølvsagt anar at noko ikkje heng på greip i livet hans. Så kan ein spekulere i om årsakene kan finnast i den sosiale konformismen, konsumismen, poseringa, mettheita og keisemda, eller har lege i kim hos denne personen.
Dikta er råe, rett på sak og effektive. Dei flyt av garde i høgt tempo. Det treng ikkje å vere ei innvending mot ei diktbok at ein snur sidene raskt. Det har kan hende meir å gjere med at poeten ikkje er oppteken av å dvele eller fråtse i imponerande bilete. Han sver derimot til ei realistisk form.
Sindre Ekrheim
Sindre Ekrheim er lyrikar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dikt
Martin Svedman:
Når jeg drikker
Cappelen Damm
Ustanseleg og desperat drikking er den definitive bensinen i debutantdikta til Martin Svedman. Dikta manar fram eit tragisk og destruktivt univers.
Bortsett frå ein viss hang til Berlioz og Mozart, er eg-personen eit botnlaust hol, som fortærer seg sjølv og omgivnadene. Boka teiknar opp ein alkoholikars veg mot botnen, frå å prøve ut alkoholhaldige drikkar i barndomsåra til å verte fullblods alkoholikar med tørkeperiodar og tilbakefall.
Velkjent mønster
Det heile faldar seg ut i ein knapp, hardkokt stil utan biletleg ornamentikk eller formildande grep. Ein registrerer altså raskt at det finst ein motsetnad mellom den overstadige eg-personens jakt etter alkoholrus og den korthogne, fragmentariske stilen, som ikkje freistar å forklare, berre skildre. Kunstmusikken frå dei høgare sfærane fungerer også som ein avstandsmålar til det eksistensielle nederlaget eg-personen er på veg mot.
Tidvis minner dikta om ein annan drikkediktars vitnemål, nemleg dikta til Charles Bukowski. Men ein må då trekkje frå at Svedmans dikt verkar å utspele seg i eit miljø med relativt trygge økonomiske rammer, ikkje blant randeksistensar i det nedste sosiale sjiktet.
Lite vert lagt imellom. Så lenge han er i stand til å drikke, i einsemd eller i lag med andre, drikk han seg frå jobboppdrag og frå kjærleiken – ja, frå alt, kunne ein seie, berre ikkje frå avgrunnen han eigenhendig har opna. Slik sett følgjer han eit velkjent mønster.
Eksistensiell tørst
Om ein ser dikta under eitt, og prøver å samle dei i éi tolking, kunne ein seie at dei tematiserer uendeleg eksistensiell tørst og mangel, kan hende òg gløymsle og ønsket om å fortrengje alt av medvite liv og liding. Ei forklaring på drivkrafta attom alkoholmarineringa, får ein ikkje, anna enn at han «har/ en begavelse/ for ekstase» og at lesaren sjølvsagt anar at noko ikkje heng på greip i livet hans. Så kan ein spekulere i om årsakene kan finnast i den sosiale konformismen, konsumismen, poseringa, mettheita og keisemda, eller har lege i kim hos denne personen.
Dikta er råe, rett på sak og effektive. Dei flyt av garde i høgt tempo. Det treng ikkje å vere ei innvending mot ei diktbok at ein snur sidene raskt. Det har kan hende meir å gjere med at poeten ikkje er oppteken av å dvele eller fråtse i imponerande bilete. Han sver derimot til ei realistisk form.
Sindre Ekrheim
Sindre Ekrheim er lyrikar og fast bokmeldar i Dag og Tid.
Dikta tematiserer uendeleg eksistensiell tørst og
mangel.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.