Skuld og ansvar
Hanna Dahl skriv med kløkt og innsikt om sjølvforståinga til ein landssvikdømd.
Hanna Dahl har utdanning i språk og litteratur med vekt på Russland og det tidlegare Jugoslavia.
Foto: Julie Pike
Roman
Hanna Dahl:
Kraft
Gyldendal
Da eg for mange år sidan kom til Krødsherad, fann eg til mi forundring ei dansk piratutgåve av Hitlers Min kamp i det kombinerte skole- og folkebiblioteket. Saman med Hitlers manifest låg det stablar av NS-avisa Folk og Land med landssvikoppgjeret som eit overordna tema gjennom heile etterkrigstida fram til avisa gjekk inn i 2004. Eg mistenkte at det gamle NS-miljøet i bygda på denne måten ville markere si uskuld, diskret, men tydeleg nok.
Hanna Dahl går i romanen Kraft inn i NS-miljøet si sjølvforståing etter krigen, og gjennom forteljaren Olav kjem lesaren tett på det tankegodset som motiverte mange ungdommar til å melde seg til tysk frontteneste. Det ideologiske og det rasehygieniske blir dempa ned; i staden er det kampen mot bolsjevismen, kampen for Finland og kampen for Noreg som blir framheva saman med eventyrlysta og spenninga. Men dei langt fleste frontkjemparane var medlemmer av NS, og NS var tufta på antisemittisme og nazistisk ideologi.
Forsoning
Femti år etter krigen prøver Olav å oppsummere sitt eige liv, og han søker ikkje nåde, snarare ei forsoning med seg sjølv og med samfunnet rundt seg: «Jeg antar at jeg leter etter spor av menneskelighet.» Det menneskelege dukkar stadig opp utover i romanen i form av å «øve seg på å være menneske» og i form av å «finne måter å leve med oss selv på» og å «sammenstille en versjon av virkeligheten vi kan leve med». «Du og dine kunne ha vært en av oss», seier han også, «vi var så sørgelig allminnelige» og «vi var disponert for forblindelser». Men han søker inga oppreising, han ber berre om å bli forstått ut frå dei motiva han hadde, og i hans auge var dei heiderlege nok.
Romanen vekslar mellom ei kronologisk framstilling og refleksjonar og tilbakeblikk i ettertid. Stoffet er langt på veg dokumentarisk, gjennom Landssvikarkivet og gjennom litteratur som skildrar Operation Schneehund. Fem norske og ein finsk agent blir frakta med U-711 frå ubåthamna i Kilbotn sør for Harstad til Seglodden i Persfjorden vest for Vadsø for å rapportere om russisk aktivitet på Varangerhalvøya. Det er i midten av april 1945, berre nokre veker før tyskarane kapitulerer.
Blind lojalitet
Oppdraget i seg sjølv er meiningslaust, men dei seks agentane er blindt lojale mot det meiningslause, sjølv om desillusjonen, desperasjonen og uvissa kryp nærare og går dei meir og meir på nervane slik at den indre disiplinen i gruppa blir utfordra og etter kvart bryt saman, før dei ei veke etter at krigen er over, melder seg for norske styrkar i området.
Kor påliteleg er Olav si framstilling; held han dommedag over seg sjølv, eller prøver han å bortforklare? Her løftar Hanna Dahl teksten inn i det tvitydige, og det blir opp til lesaren å dømme, for sjølv om dommen mot Olav blei forkynt 6. mai 1946 og sett til tolv års straffarbeid, så er det dette med krigen og landssvikoppgjeret: Vi blir aldri ferdige med det.
Hanna Dahl debuterte med novellesamlinga Rønneimperiet i 2015, og ho opplevde som debutant å bli innstilt til Brageprisen. Oppfølgjaren Kraft stadfestar det litterære talentet ein såg ved debuten.
Oddmund Hagen
Oddmund Hagen er forfattar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Hanna Dahl:
Kraft
Gyldendal
Da eg for mange år sidan kom til Krødsherad, fann eg til mi forundring ei dansk piratutgåve av Hitlers Min kamp i det kombinerte skole- og folkebiblioteket. Saman med Hitlers manifest låg det stablar av NS-avisa Folk og Land med landssvikoppgjeret som eit overordna tema gjennom heile etterkrigstida fram til avisa gjekk inn i 2004. Eg mistenkte at det gamle NS-miljøet i bygda på denne måten ville markere si uskuld, diskret, men tydeleg nok.
Hanna Dahl går i romanen Kraft inn i NS-miljøet si sjølvforståing etter krigen, og gjennom forteljaren Olav kjem lesaren tett på det tankegodset som motiverte mange ungdommar til å melde seg til tysk frontteneste. Det ideologiske og det rasehygieniske blir dempa ned; i staden er det kampen mot bolsjevismen, kampen for Finland og kampen for Noreg som blir framheva saman med eventyrlysta og spenninga. Men dei langt fleste frontkjemparane var medlemmer av NS, og NS var tufta på antisemittisme og nazistisk ideologi.
Forsoning
Femti år etter krigen prøver Olav å oppsummere sitt eige liv, og han søker ikkje nåde, snarare ei forsoning med seg sjølv og med samfunnet rundt seg: «Jeg antar at jeg leter etter spor av menneskelighet.» Det menneskelege dukkar stadig opp utover i romanen i form av å «øve seg på å være menneske» og i form av å «finne måter å leve med oss selv på» og å «sammenstille en versjon av virkeligheten vi kan leve med». «Du og dine kunne ha vært en av oss», seier han også, «vi var så sørgelig allminnelige» og «vi var disponert for forblindelser». Men han søker inga oppreising, han ber berre om å bli forstått ut frå dei motiva han hadde, og i hans auge var dei heiderlege nok.
Romanen vekslar mellom ei kronologisk framstilling og refleksjonar og tilbakeblikk i ettertid. Stoffet er langt på veg dokumentarisk, gjennom Landssvikarkivet og gjennom litteratur som skildrar Operation Schneehund. Fem norske og ein finsk agent blir frakta med U-711 frå ubåthamna i Kilbotn sør for Harstad til Seglodden i Persfjorden vest for Vadsø for å rapportere om russisk aktivitet på Varangerhalvøya. Det er i midten av april 1945, berre nokre veker før tyskarane kapitulerer.
Blind lojalitet
Oppdraget i seg sjølv er meiningslaust, men dei seks agentane er blindt lojale mot det meiningslause, sjølv om desillusjonen, desperasjonen og uvissa kryp nærare og går dei meir og meir på nervane slik at den indre disiplinen i gruppa blir utfordra og etter kvart bryt saman, før dei ei veke etter at krigen er over, melder seg for norske styrkar i området.
Kor påliteleg er Olav si framstilling; held han dommedag over seg sjølv, eller prøver han å bortforklare? Her løftar Hanna Dahl teksten inn i det tvitydige, og det blir opp til lesaren å dømme, for sjølv om dommen mot Olav blei forkynt 6. mai 1946 og sett til tolv års straffarbeid, så er det dette med krigen og landssvikoppgjeret: Vi blir aldri ferdige med det.
Hanna Dahl debuterte med novellesamlinga Rønneimperiet i 2015, og ho opplevde som debutant å bli innstilt til Brageprisen. Oppfølgjaren Kraft stadfestar det litterære talentet ein såg ved debuten.
Oddmund Hagen
Oddmund Hagen er forfattar og fast bokmeldar i Dag og Tid.
Kraft stadfestar det litterære talentet ein såg ved debuten.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.