Saknar ei dør på gløtt
Eg kan sjå ei spennande historie i Magnus Grova Søilens debutroman, men eg kan ikkje riktig kjenne henne.
Magnus Grova Søilen debuterer som romanforfattar, men har gjeve ut fire diktsamlingar etter debuten i 2009.
Foto Eirik Apeland / Tiden
Roman
Magnus Grova
Søilen:
Flaskeladden i Eskimopolis
Tiden
Eg byrjar å klø meg i hovudet alt i møtet med tittelen på Magnus Grova Søilens debutroman. Flaskeladden i Eskimopolis – kva er det meininga eg skal tenkje om det? Eg får ingen assosiasjonar, anna enn dei eventyrlege. Tittelen verkar litt hemmeleg. Eg held fram med å klø meg i hovudet i den første, korte delen av romanen. «HELLvetes fokkings fittofon!» innleier nokre sider med eit forunderleg språk som eigentleg ikkje set meg på sporet av kvar vi skal, sjølv om eg skjønar at det bak alt bråket i teksten handlar om ein gjeldstyngd kar som forsøker å selje ishavsdagboka til farfaren sin til eit forlag. Dei neste dryge 300 sidene høyrer denne fiktive dagboka til, og her er det også vanskeleg å kome forbi språklege støysoner for å finne vilje til å høyre stemma bak: «’Svalbard e’kje Grønland’, vrisset Grenske og kløiet over rekken, tvispyttet lever lenger på bølgen enn varmeminnet fra døren han slamret rakt i synet på meg.» Eg slit med å finne ei dør inn til romanuniverset, ein invitasjon.
Kronikøren på jobb
Den norske ishavsimperialismen er bakgrunnen for ferda, som føregår i 1932 og tar sikte på å etablere norske busetnader på Aust-Grønland. Den nemnde farfaren har tatt hyre på eit skip som kronikør, etter å ha gått på nederlag etter nederlag heime i Bergen. Ikkje får han jobb, han har ingen stad å bu og han er kjend som «Flaskeladden», kjem det fram langt uti boka, fordi han samlar flasker. No observerer og skildrar han reisekameratane, både arbeidarane på golvet og dei arrogante «viterne» (vitskapsfolka). Han skriv om vêr og vind, om hundar, isbjørn og sel og om oppdaginga av eit «utdødd eskimopolis» (eskimolandsby) i ei reisedagbok. Eit kompendium han eigentleg er hyra for å skrive, lèt vente på seg.
Søilen viser kunnskap om politikk, verdssamfunn, samværskultur og språk i 30-åra, etter det mitt avgrensa oppmøte i tidsepoken kan avgjere. Det er òg mogleg at all grisepraten og rasismen er truverdig. «Jeg blir kvalt her inne, se til øieblikkelig å lyde, her er jo som å puste i et ludderskrev!» «Hvem skulle være de ville germanere av i dag? Negre, austral-buskmenn, eskimoer, muhammedanere? Nei, slike evner intet.»
Kjem ikkje innanfor
Problemet er at dagboka, i tillegg til å bere i seg eit språk som er interessant og særeige nok, men òg arkaisk og kantete, ikkje eigentleg har noka framdrift. Dagbokskrivaren skriv om dette og hint, assosierer og hoppar rundt, det meste er springande. Dei andre i mannskapet blir omtala, men blir ikkje særleg interessante som personar, og det er vanskeleg å halde dei frå kvarandre. Vi ser skjemd skipsmat, telting i minus 33 grader, skyting av sjuk hund og kranglar om bord gjennom skrivaren, og berre han og skrivestilen hans. Det er noko utmattande innovervendt over det.
Eg ser ei spennande rammehistorie, ein forfattar som kan arbeide kreativt med språk, og som nok har lagt ned eit betydeleg arbeid i denne forteljinga. Likevel blir eg som lesar svevande rundt teksten utan nokon gong å heilt kome inn i han. Fleire gongar tenkjer eg faktisk på boka som lesaravstøytande. Eg saknar eit grep frå forfattaren, ei retning, som kunne fått meg innanfor.
Ingvild Bræin
Ingvild Bræin er litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Magnus Grova
Søilen:
Flaskeladden i Eskimopolis
Tiden
Eg byrjar å klø meg i hovudet alt i møtet med tittelen på Magnus Grova Søilens debutroman. Flaskeladden i Eskimopolis – kva er det meininga eg skal tenkje om det? Eg får ingen assosiasjonar, anna enn dei eventyrlege. Tittelen verkar litt hemmeleg. Eg held fram med å klø meg i hovudet i den første, korte delen av romanen. «HELLvetes fokkings fittofon!» innleier nokre sider med eit forunderleg språk som eigentleg ikkje set meg på sporet av kvar vi skal, sjølv om eg skjønar at det bak alt bråket i teksten handlar om ein gjeldstyngd kar som forsøker å selje ishavsdagboka til farfaren sin til eit forlag. Dei neste dryge 300 sidene høyrer denne fiktive dagboka til, og her er det også vanskeleg å kome forbi språklege støysoner for å finne vilje til å høyre stemma bak: «’Svalbard e’kje Grønland’, vrisset Grenske og kløiet over rekken, tvispyttet lever lenger på bølgen enn varmeminnet fra døren han slamret rakt i synet på meg.» Eg slit med å finne ei dør inn til romanuniverset, ein invitasjon.
Kronikøren på jobb
Den norske ishavsimperialismen er bakgrunnen for ferda, som føregår i 1932 og tar sikte på å etablere norske busetnader på Aust-Grønland. Den nemnde farfaren har tatt hyre på eit skip som kronikør, etter å ha gått på nederlag etter nederlag heime i Bergen. Ikkje får han jobb, han har ingen stad å bu og han er kjend som «Flaskeladden», kjem det fram langt uti boka, fordi han samlar flasker. No observerer og skildrar han reisekameratane, både arbeidarane på golvet og dei arrogante «viterne» (vitskapsfolka). Han skriv om vêr og vind, om hundar, isbjørn og sel og om oppdaginga av eit «utdødd eskimopolis» (eskimolandsby) i ei reisedagbok. Eit kompendium han eigentleg er hyra for å skrive, lèt vente på seg.
Søilen viser kunnskap om politikk, verdssamfunn, samværskultur og språk i 30-åra, etter det mitt avgrensa oppmøte i tidsepoken kan avgjere. Det er òg mogleg at all grisepraten og rasismen er truverdig. «Jeg blir kvalt her inne, se til øieblikkelig å lyde, her er jo som å puste i et ludderskrev!» «Hvem skulle være de ville germanere av i dag? Negre, austral-buskmenn, eskimoer, muhammedanere? Nei, slike evner intet.»
Kjem ikkje innanfor
Problemet er at dagboka, i tillegg til å bere i seg eit språk som er interessant og særeige nok, men òg arkaisk og kantete, ikkje eigentleg har noka framdrift. Dagbokskrivaren skriv om dette og hint, assosierer og hoppar rundt, det meste er springande. Dei andre i mannskapet blir omtala, men blir ikkje særleg interessante som personar, og det er vanskeleg å halde dei frå kvarandre. Vi ser skjemd skipsmat, telting i minus 33 grader, skyting av sjuk hund og kranglar om bord gjennom skrivaren, og berre han og skrivestilen hans. Det er noko utmattande innovervendt over det.
Eg ser ei spennande rammehistorie, ein forfattar som kan arbeide kreativt med språk, og som nok har lagt ned eit betydeleg arbeid i denne forteljinga. Likevel blir eg som lesar svevande rundt teksten utan nokon gong å heilt kome inn i han. Fleire gongar tenkjer eg faktisk på boka som lesaravstøytande. Eg saknar eit grep frå forfattaren, ei retning, som kunne fått meg innanfor.
Ingvild Bræin
Ingvild Bræin er litteraturvitar og fast bokmeldar i Dag og Tid.
Problemet er at dagboka ikkje eigentleg har noka framdrift.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?