Minnerik oppleving
Eivind Sudmann Larssen har ein fast penn om utflytande storleikar.
Sentralt i forfattarskapen til Eivind Sudmann Larssen står historiene vi fortel om livet vårt.
Foto: Helge Skodvin
Roman
Eivind Sudmann Larssen:
Vi er basert på en sann historie
Tiden
Frå då eg var lita, er det ting eg hugsar betre enn andre. Mamma, som var heime ein periode, hugsar eg knapt. Pappa, som knapt var der i same perioden, hugsar eg godt. Han kom heim frå turné som ein julenisse med gåver no og då, og fekk all æra.
Dette urettferdige, men klassiske forholdet skildrar Eivind Sudmann Larssen i romanen Vi er basert på en sann historie. Hovudpersonen slit med å hugse mora, som alltid var til stades, mens faren med sitt sjeldne oppmøte står i eit klart lys.
Minneobservasjonar
Minne er eit stikkord for Larssen: Korleis oppfører eigentleg hugsen vår seg? Han tar oss gjennom hovudpersonens forelsking i og sambuarskap med Therese – korleis begynte det, kvifor blei det akkurat dei to, med deira liv? Therese er ein tiltaksrik og vital kunstnar, hovudpersonen vår meir ein som innordnar seg, begge har dei likevel vore flinke til å lytte til kvarandre, til å omgåast; kvifor går dei likevel frå kvarandre? Er det noko som er utegløymt i hovudpersonens ettertidsanalyse? Korleis gjekk no dette med arbeid, kvardag, barn og økonomisk balanse og skeivskap?
Ramma er altså triviell, ein gjennomgang av ein epoke i et liv. Men pennen til Larssen er observant og løfter oss opp til meir utvida betraktningar: «Mange av dagene jeg har levd, husker jeg bare takket være rutiner jeg vet at jeg fulgte.» Eller om fenomenet «forhåndsnostalgi»: «Dette gleder jeg meg til å se tilbake på.»
Når hovudpersonen tenker tilbake på oppvekståra til barna Jakob og Julie, blir det til éin samanhengande periode, framfor at han hugsar oppveksten til kvar av dei. Dessutan viser forfattaren oss at hugsen ikkje er nokon stabil storleik – at det ein hugsa i går, kanskje ikkje er det same som det ein hugsar i morgon.
Belgfrukter på bussen
Det kan kjennest litt utmattande med alt som ikkje lar seg halde fast – litt utglidande med all denne per definisjon upålitelege hugsen. Ein kan ta seg i å sakne nokre pålar å navigere rundt. Men som litterær utforsking av fenomenet minne er romanen svært god, treffsikker og interessant. Når mora til hovudpersonen blir dement, heiter det: «Det er kanskje mest rettferdig slik. Vi husker ikke mor, så hun husker ikke oss.»
Ein blir dessutan gripen av nærleiken og avstanden mellom hovudpersonen og Therese, dynamikken mellom dei og barna. Bylivet og hyttelivet deira. Larssen har ei eiga evne til å skildre nøkternt, men inngåande korleis det vesle, kvardagslege ofte er det som vekker dei sterkaste kjenslene i oss. På godt og vondt. Og han får oss til å sjå oss sjølve – her som kollektivtransportreisande menneske – på eit underleggjerande, opplysande vis: «I midtgangen henger svakt svaiende morgenkropper ned fra håndløkkene. De ligner merkelige belgfrukter som vokser ut av metallstengene i taket, og ingen av dem prater sammen så tidlig på ruten.»
Ingvild Bræin
Ingvild Bræin er forfattar, litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Roman
Eivind Sudmann Larssen:
Vi er basert på en sann historie
Tiden
Frå då eg var lita, er det ting eg hugsar betre enn andre. Mamma, som var heime ein periode, hugsar eg knapt. Pappa, som knapt var der i same perioden, hugsar eg godt. Han kom heim frå turné som ein julenisse med gåver no og då, og fekk all æra.
Dette urettferdige, men klassiske forholdet skildrar Eivind Sudmann Larssen i romanen Vi er basert på en sann historie. Hovudpersonen slit med å hugse mora, som alltid var til stades, mens faren med sitt sjeldne oppmøte står i eit klart lys.
Minneobservasjonar
Minne er eit stikkord for Larssen: Korleis oppfører eigentleg hugsen vår seg? Han tar oss gjennom hovudpersonens forelsking i og sambuarskap med Therese – korleis begynte det, kvifor blei det akkurat dei to, med deira liv? Therese er ein tiltaksrik og vital kunstnar, hovudpersonen vår meir ein som innordnar seg, begge har dei likevel vore flinke til å lytte til kvarandre, til å omgåast; kvifor går dei likevel frå kvarandre? Er det noko som er utegløymt i hovudpersonens ettertidsanalyse? Korleis gjekk no dette med arbeid, kvardag, barn og økonomisk balanse og skeivskap?
Ramma er altså triviell, ein gjennomgang av ein epoke i et liv. Men pennen til Larssen er observant og løfter oss opp til meir utvida betraktningar: «Mange av dagene jeg har levd, husker jeg bare takket være rutiner jeg vet at jeg fulgte.» Eller om fenomenet «forhåndsnostalgi»: «Dette gleder jeg meg til å se tilbake på.»
Når hovudpersonen tenker tilbake på oppvekståra til barna Jakob og Julie, blir det til éin samanhengande periode, framfor at han hugsar oppveksten til kvar av dei. Dessutan viser forfattaren oss at hugsen ikkje er nokon stabil storleik – at det ein hugsa i går, kanskje ikkje er det same som det ein hugsar i morgon.
Belgfrukter på bussen
Det kan kjennest litt utmattande med alt som ikkje lar seg halde fast – litt utglidande med all denne per definisjon upålitelege hugsen. Ein kan ta seg i å sakne nokre pålar å navigere rundt. Men som litterær utforsking av fenomenet minne er romanen svært god, treffsikker og interessant. Når mora til hovudpersonen blir dement, heiter det: «Det er kanskje mest rettferdig slik. Vi husker ikke mor, så hun husker ikke oss.»
Ein blir dessutan gripen av nærleiken og avstanden mellom hovudpersonen og Therese, dynamikken mellom dei og barna. Bylivet og hyttelivet deira. Larssen har ei eiga evne til å skildre nøkternt, men inngåande korleis det vesle, kvardagslege ofte er det som vekker dei sterkaste kjenslene i oss. På godt og vondt. Og han får oss til å sjå oss sjølve – her som kollektivtransportreisande menneske – på eit underleggjerande, opplysande vis: «I midtgangen henger svakt svaiende morgenkropper ned fra håndløkkene. De ligner merkelige belgfrukter som vokser ut av metallstengene i taket, og ingen av dem prater sammen så tidlig på ruten.»
Ingvild Bræin
Ingvild Bræin er forfattar, litteraturvitar og fast bokmeldar i Dag og Tid.
Som litterær utforsking av fenomenet minne er romanen svært god, treffsikker og interessant.
Fleire artiklar
Nicolas Leirtrø, Øyvind Leite og Amund Storløkken Åse utgjer trioen med namnet I Like to Sleep.
Foto: Sigrid Erdal
Spanande klangunivers
Trondheimstrioen har laga ei mangfaldig plate.
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.