I tjukt og tynt
Trass i nokre humpar er debutanten Kjersti Bergersen på rett veg.
Kjersti Bergersen er utdanna psykolog og arbeider som forlagsredaktør.
Foto: Oda Berby
Noveller
Kjersti Bergersen:
Palliasjon
Aschehoug
Før eller sidan hamnar mange av oss hos psykologen. Hos debutanten Kjersti Bergersen startar vi der. I den første av åtte noveller i samlinga Palliasjon er vi på innsida av hovudet til ei kvinne som ligg eit hestehovud føre psykologen i sjølvransaking, og i ransaking av psykologen sjølv. Sidan skal vi titte inn novellevindauget til ei dødssjuk kvinne, til par i ulik grad av samhald og lausriving, til rolla barn kan spele i t, anten ein har dei eller ikkje, og til små og store kriser og livsval.
Eg må med ein gong seie at eg ikkje blei heilt overtydd i møte med opningsnovella. Det er noko oppbrukt over dette med utstrekt sjølvmedvit hos psykologen. Eg synest heller ikkje denne teksten fortel meg mykje, anna enn å by på ein ganske pressa orkidémetafor. Så kjem det seg utover i samlinga, og i den siste novella, «Ariel», som eg ikkje kan seie noko om av fare for å røpe sentrale vendingar, har Bergersen mi fulle merksemd.
Utsnitt frå røyndomen
Forfattaren skriv knapt og nøkternt, nokre av tekstane er små kammerspel: utsnitt frå røyndomen. Det er fint skildra når kvinna på palliativ avdeling ser ut av vindauget på ei dramatisk hending med ei mor og ein son. I «Trappevask» dirrar det i ein spent streng mellom ein mann og ei kvinne. Det er elegant når det i Den usynlige mannen sakte, men sikkert demrar for oss kva som bur i hovudpersonen Thomas, som er blitt forlaten av kona.
Men sjølv om eg kjem om bord etter kvart, er det ting som skurrar undervegs, beklagar at eg hoppar tilbake til nedovertommelen akkurat når de trudde eg var ferdig med det. Det eine er at eg av og til saknar ei meir litterær løysing på situasjonar. På ein stad i opningsnovella, hos psykologen, ønsker eg meg for eksempel meir show, don’t tell: «Han tillater seg å smile, kjenner meg godt nok nå til å vite at jeg har selvironi. Det vil si, jeg er i stand til å pakke selvforakten min inn i humor, sånn at den blir sosialt akseptabel.» Dette er jo svært pratete, og overforklarande, til novelle å vere. Då er det meir spennande når det i same teksten finst ein observasjon frå kvinna over psykologen: «Han lener seg fremover, det er avslørende, han tror vi nærmer oss et avgjørende øyeblikk.» Om eg aldri så mykje er lei av kløktige psykolog-avsløringar frå pasientar.
Det andre er at ein kunne gått ein runde til med språket. Det verkar unødvendig å ty til klisjear som: «Grønne trær virker som noe helt uoppnåelig, som å vinne i lotto.» Av og til kjennest også bildebruken tafatt utført: «Utenfor vinduet har himmelen samme farge som lettmelk.» Andre gongar er ordstablinga klønete: «Så spennende det fikk meg til å føle meg.»
Naserynking tipp topp
Sjølv om eg meiner dette er gyldige innvendingar, er det påpeikingar i ein elles lovande debut. Etter kvart som eg les, blir eg meir opptatt av det tilsynelatande trivielle, men mangfaldige, menneskelege universet Bergersen teiknar opp. I novella «Ung» rynkar eg på nasen over kvinna som mister interessa for mannen fordi han begynner å sjå gammal ut, eg tenker: Det er jo uhøyrt! Ja, det er det, og derfor forsvarer det sin plass i litteraturen. Vi er ikkje betre, alltid, kanskje, det er berre å skamme seg.
Eg trur Bergersen vil ha mykje å fare med i framtida, særleg om ho «tar i» litt meir, som ho gjer i den siste novella. Når eg uunngåeleg visualiserer mi eiga lesaroppleving, ser eg den første novella som litt flat, og den siste som spent opp over ein brei horisont. Vertikal er ho òg.
Ingvild Bræin
Ingvild Bræin er forfattar, nordist og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Noveller
Kjersti Bergersen:
Palliasjon
Aschehoug
Før eller sidan hamnar mange av oss hos psykologen. Hos debutanten Kjersti Bergersen startar vi der. I den første av åtte noveller i samlinga Palliasjon er vi på innsida av hovudet til ei kvinne som ligg eit hestehovud føre psykologen i sjølvransaking, og i ransaking av psykologen sjølv. Sidan skal vi titte inn novellevindauget til ei dødssjuk kvinne, til par i ulik grad av samhald og lausriving, til rolla barn kan spele i t, anten ein har dei eller ikkje, og til små og store kriser og livsval.
Eg må med ein gong seie at eg ikkje blei heilt overtydd i møte med opningsnovella. Det er noko oppbrukt over dette med utstrekt sjølvmedvit hos psykologen. Eg synest heller ikkje denne teksten fortel meg mykje, anna enn å by på ein ganske pressa orkidémetafor. Så kjem det seg utover i samlinga, og i den siste novella, «Ariel», som eg ikkje kan seie noko om av fare for å røpe sentrale vendingar, har Bergersen mi fulle merksemd.
Utsnitt frå røyndomen
Forfattaren skriv knapt og nøkternt, nokre av tekstane er små kammerspel: utsnitt frå røyndomen. Det er fint skildra når kvinna på palliativ avdeling ser ut av vindauget på ei dramatisk hending med ei mor og ein son. I «Trappevask» dirrar det i ein spent streng mellom ein mann og ei kvinne. Det er elegant når det i Den usynlige mannen sakte, men sikkert demrar for oss kva som bur i hovudpersonen Thomas, som er blitt forlaten av kona.
Men sjølv om eg kjem om bord etter kvart, er det ting som skurrar undervegs, beklagar at eg hoppar tilbake til nedovertommelen akkurat når de trudde eg var ferdig med det. Det eine er at eg av og til saknar ei meir litterær løysing på situasjonar. På ein stad i opningsnovella, hos psykologen, ønsker eg meg for eksempel meir show, don’t tell: «Han tillater seg å smile, kjenner meg godt nok nå til å vite at jeg har selvironi. Det vil si, jeg er i stand til å pakke selvforakten min inn i humor, sånn at den blir sosialt akseptabel.» Dette er jo svært pratete, og overforklarande, til novelle å vere. Då er det meir spennande når det i same teksten finst ein observasjon frå kvinna over psykologen: «Han lener seg fremover, det er avslørende, han tror vi nærmer oss et avgjørende øyeblikk.» Om eg aldri så mykje er lei av kløktige psykolog-avsløringar frå pasientar.
Det andre er at ein kunne gått ein runde til med språket. Det verkar unødvendig å ty til klisjear som: «Grønne trær virker som noe helt uoppnåelig, som å vinne i lotto.» Av og til kjennest også bildebruken tafatt utført: «Utenfor vinduet har himmelen samme farge som lettmelk.» Andre gongar er ordstablinga klønete: «Så spennende det fikk meg til å føle meg.»
Naserynking tipp topp
Sjølv om eg meiner dette er gyldige innvendingar, er det påpeikingar i ein elles lovande debut. Etter kvart som eg les, blir eg meir opptatt av det tilsynelatande trivielle, men mangfaldige, menneskelege universet Bergersen teiknar opp. I novella «Ung» rynkar eg på nasen over kvinna som mister interessa for mannen fordi han begynner å sjå gammal ut, eg tenker: Det er jo uhøyrt! Ja, det er det, og derfor forsvarer det sin plass i litteraturen. Vi er ikkje betre, alltid, kanskje, det er berre å skamme seg.
Eg trur Bergersen vil ha mykje å fare med i framtida, særleg om ho «tar i» litt meir, som ho gjer i den siste novella. Når eg uunngåeleg visualiserer mi eiga lesaroppleving, ser eg den første novella som litt flat, og den siste som spent opp over ein brei horisont. Vertikal er ho òg.
Ingvild Bræin
Ingvild Bræin er forfattar, nordist og fast bokmeldar i Dag og Tid.
Fleire artiklar
Isbilar er ikkje noko nytt, men heller ikkje nokon garanti for kvalitet.
Foto via Wikimedia Commons
Isbilen spelar høgt, men taper på kvalitet.
Kor mykje vatn er det eigentleg mogleg å ha i ein iskrem og framleis få han til å likne ein fløyteis?
Foto: Seth Wenig / AP / NTB
Eit teikn på frustrasjon
Korkje Trump eller Biden har i røynda full kontroll på auke og fall i inflasjon eller kriminalitet.
Else Hagen: «Familie» (1950), olje på lerret. Rolf E. Stenersens samling / Munchmuseet.
Etterlysing og turné
Else Hagen er i dag eit ukjent namn for mange, men det er i endring.
Anders Folkestad og Torbjørn Ryssevik meiner det er nødvendig å styrke den vidaregåande skulen si studieførebuande rolle.
Gorm Kallestad / NTB
Studieopptak og skulifisering
Statsråden gjer rett i å avvise opptaksprøver som hovudveg til høgare utdanning.
Stig Amdam og Ragnhild Gudbrandsen spelar hovudrollene i stykket av August Strindberg.
Foto: Magnus Skrede / Den Nationale Scene
Krigen mellom kjønna
Dødsdansen er eit ekteskapsdrama der komikken får for stor plass, men spelestilane utfordrar kvarandre på interessant vis.