Energisk likesæle
Terje Holtet Larsen skriv om heimløyse slik at det når heim.
Terje Holtet Larsen skriv om å skrive.
Foto: Baard Henriksen / NTB scanpix
Essay
Terje Holtet Larsen:
Hjemløsheten
Forlaget Oktober
Hjemløsheten er eit langt essay i den nye serien til Forlaget Oktober: Lese, skrive. Her kjem Terje Holtet Larsen inn på nokre gamle tematiske kjenningar frå forfattarskapen sin, der heimløyse er blant dei sentrale. Kjensla av å vere heimlaus, å ikkje høyre til noko eller nokon, har følgd han gjennom heile det skrivande livet, saman med fenomen som einsemd, likesæle og ønske om å forsvinne. Peer Gynt-versjonen (2003) og Fra et mislykket forsvinningsnummer (forteljingar, 2004) er gode eksempel på utgjevingar der Holtet Larsen turnerer desse tematiske kjenningane på ulikt vis.
Samanhengen i tinga
I utgjevinga av i år ser han kjenningane i samband med si eiga skriving og med korleis han i det heile blei forfattar. Som ung mann kunne han vere overraska over at han heile tida frivillig oppsøkte einsemda, men så skriv han: «Da jeg endelig oppdaget litteraturen, fikk dette behovet for ensomhet en mening.» Einsemda er jo skreddarsydd til ei interesse for litteratur. Han understrekar òg kor viktig lesing er for både interessa for og evna til å skrive. All skriving startar i lesing, seier han, og skriv om «hvordan jeg var kommet til å tenke på meg selv som et menneske skapt av litteratur, skapt av bøkene jeg hadde lest og skrevet».
Det pussige ved Larsens litteratur er at når han skriv om denne nomne, fråverande, ankerlause rastløysa, den påståtte likesæla, er det energi, relevans, inspirasjon og nærvær lesaren – i alle fall eg – kjenner. Sjølvsagt er det dette som kan kallast litteratur; den lataste figuren kan skildrast med overskot (som for eksempel gardsguten Guffen i Andeby), og det handlar i Larsens tilfelle om å komme så til botn i undersøkinga av eksempelvis likesæla at ho byrjar dirre av mangel på likesæle.
Litt ny for kvar bok
Eg lar meg inspirere av Hjemløsheten òg, men det kan nok vere ein fordel å kjenne til noko av forfattarskapen til Larsen frå før. I alle fall kan ein då kjenne seg meir heime i denne undersøkingsferda på innsida av den skrivande og lesande Terje Holtet Larsen. Han rettar òg blikket utover og skriv om forholdet han har til forfattarar som Borges, Vonnegut, Calvino, Bernhard og Modiano, og om korleis han vender tilbake til favorittforfattarane fleire gongar, fordi det alltid er eit nytt lag å finne.
Han minner om at lesing eigentleg er ei tovegsøving. Vi les romanar, men romanane les også oss, som han seier: Ulike bøker vekker ulike minne og erkjenningar i oss. Noko bør dei uansett vekke, om det er slik Holtet Larsen seier: «Et kunstverk er en henvendelse fra et menneske til et annet». Det læt kanskje som ei gamaldags innstilling, men eg trur vi må godta sanninga i henne. For kva skulle eit kunstverk elles vere, i sitt inste vesen?
Ingvild Bræin
Ingvild Bræin er litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Essay
Terje Holtet Larsen:
Hjemløsheten
Forlaget Oktober
Hjemløsheten er eit langt essay i den nye serien til Forlaget Oktober: Lese, skrive. Her kjem Terje Holtet Larsen inn på nokre gamle tematiske kjenningar frå forfattarskapen sin, der heimløyse er blant dei sentrale. Kjensla av å vere heimlaus, å ikkje høyre til noko eller nokon, har følgd han gjennom heile det skrivande livet, saman med fenomen som einsemd, likesæle og ønske om å forsvinne. Peer Gynt-versjonen (2003) og Fra et mislykket forsvinningsnummer (forteljingar, 2004) er gode eksempel på utgjevingar der Holtet Larsen turnerer desse tematiske kjenningane på ulikt vis.
Samanhengen i tinga
I utgjevinga av i år ser han kjenningane i samband med si eiga skriving og med korleis han i det heile blei forfattar. Som ung mann kunne han vere overraska over at han heile tida frivillig oppsøkte einsemda, men så skriv han: «Da jeg endelig oppdaget litteraturen, fikk dette behovet for ensomhet en mening.» Einsemda er jo skreddarsydd til ei interesse for litteratur. Han understrekar òg kor viktig lesing er for både interessa for og evna til å skrive. All skriving startar i lesing, seier han, og skriv om «hvordan jeg var kommet til å tenke på meg selv som et menneske skapt av litteratur, skapt av bøkene jeg hadde lest og skrevet».
Det pussige ved Larsens litteratur er at når han skriv om denne nomne, fråverande, ankerlause rastløysa, den påståtte likesæla, er det energi, relevans, inspirasjon og nærvær lesaren – i alle fall eg – kjenner. Sjølvsagt er det dette som kan kallast litteratur; den lataste figuren kan skildrast med overskot (som for eksempel gardsguten Guffen i Andeby), og det handlar i Larsens tilfelle om å komme så til botn i undersøkinga av eksempelvis likesæla at ho byrjar dirre av mangel på likesæle.
Litt ny for kvar bok
Eg lar meg inspirere av Hjemløsheten òg, men det kan nok vere ein fordel å kjenne til noko av forfattarskapen til Larsen frå før. I alle fall kan ein då kjenne seg meir heime i denne undersøkingsferda på innsida av den skrivande og lesande Terje Holtet Larsen. Han rettar òg blikket utover og skriv om forholdet han har til forfattarar som Borges, Vonnegut, Calvino, Bernhard og Modiano, og om korleis han vender tilbake til favorittforfattarane fleire gongar, fordi det alltid er eit nytt lag å finne.
Han minner om at lesing eigentleg er ei tovegsøving. Vi les romanar, men romanane les også oss, som han seier: Ulike bøker vekker ulike minne og erkjenningar i oss. Noko bør dei uansett vekke, om det er slik Holtet Larsen seier: «Et kunstverk er en henvendelse fra et menneske til et annet». Det læt kanskje som ei gamaldags innstilling, men eg trur vi må godta sanninga i henne. For kva skulle eit kunstverk elles vere, i sitt inste vesen?
Ingvild Bræin
Ingvild Bræin er litteraturvitar og fast bokmeldar i Dag og Tid.
Det kan nok vere ein fordel å kjenne til noko av forfattarskapen til Larsen frå før.
Fleire artiklar
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB
Kva er alternativet til EØS-medlemskap?
Anna Kleiva er forfattar og omsetjar.
Foto: Privat
Anna Kleiva er ny diktskribent i Dag og Tid
«Eg ser fram til å arbeida meir med einskilde dikt frå ulike forfattarar.»
Foto: Hatem Khaled / NTB
Krasnik og eg
Dei som følger debatten, kan sjå to ulike haldningar til Israel og Palestina utfalde seg.