Ei (ved)underleg verd
Pussige tekstar gjev oss ei kjærkommen ommøblering i hjernen.
Marit O. Kaldhol skriv underleggjerande forteljingar som ikkje berre er leik.
Foto: Øyvind Eide
Forteljingar
Marit O. Kaldhol:
Mjølketannmuseet
Samlaget
«Absurde fablar og surrealistiske forteljingar», kallar forlaget Marit O. Kaldhols Mjølketannmuseet. Dei tar ikkje for hardt i. Her møter vi kvinner som føder egg, fisk og stein, barn som blir stua vekk i ein koffert i ein oppbevaringsboks eller haldne i bur av hønsenetting, og søskenpar som hiv foreldra sine på bålet.
Denne underleggjerande forteljeforma er sjølvsagt ikkje berre leik, sjølv om forma er leiken. Ho er meint å seie noko om verkelegheita frå ein annan kant. Nøyaktig kva kvar enkelt tekst tyder, blir opp til lesaren å tolke. Kva tyder dette for meg? Kva tyder det for deg at Gregor Samsa i Kafkas Forvandlingen ein dag vaknar og er blitt eit insekt? Kva hadde det å seie i den politiske samtida hans? Kven snakka han til?
Grufullt morosam
I desse 26 merkverdige forteljingane finst det gjennomgangsmotiv som livsløp, vatn, stein, kvinne/mor, barn og fødsel. Tekstane heng saman som konsept, sjølv om dei har ulik eigenart. Tematisk undersøker dei ofte familierelasjonar. Felles for dei er òg at dei gjennom det underleggjerande grepet ommøblerer hjernen vår under lesinga. Vi blir tvinga til å sjå for oss heilt andre bilde enn vi kjenner frå før. Morosamt er det òg: «Da° hunden dør, gjer det ingenting, for i mellomtida har mannen fa°tt seg kone.» «Ei kvinne giftar seg med ein hund. Hunden kjøper seg ein sykkel.» Eller «– Skund deg, kom. Mor er begynt a° mygle.»
«Skråstilt tann» begynner slik: «Eit par fa°r eit barn som er sa° stygt at dei ikkje vil ha det.» Dei prøver alt dei kan å bli kvitt det: kaste det i bosset, gløyme det igjen på kjøpesenteret, selje det til omreisande sirkus, plassere det i ein berg-og-dal-bane, usikra. Teksten er grufullt morosam, og folk kan med fordel droppe Netflix ei lita stund og lese han høgt for kvarandre, slik ein gjorde i gamle dagar. Ein annan favoritt er «Mor og fisk», der mor altså føder ein fisk og følgjer han opp gjennom puberteten med alle dei utfordringane pubertetsfiskar kan by på. Ein tredje er «Skjelsamlarane», der mor myglar og forfell, og barna til sist endar i ein pussig arvestrid der det handlar om å tene pengar på å vise fram «verdas minste mor».
Noko for kvar
Blant alle dei originale bilda er det eitt som slår meg som litt for velbrukt: «Ei kvinne gir bort hjartet sitt til ein mann. Han set tennene i det, et gra°dig, et seg mett.» At eit kvinnehjarte blir ete av ein mann, opplever eg at eg har blitt presentert for mange gongar før. I tillegg er tekstar som «Blodspor» og «Badekaret» noko uforløyste. No er det ikkje så lett å avgjere kva tid ein surrealistisk tekst er forløyst, men det handlar om kjensla av at teksten blir for innforstått eller ikkje gir noko særleg.
Men dette er for bagatellar å rekne i ei elles fornøyeleg og undringsskapande samling tekstar som også språkleg er svært gjennomarbeidd.
Ingvild Bræin
Ingvild Bræin er litteraturvitar og fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Forteljingar
Marit O. Kaldhol:
Mjølketannmuseet
Samlaget
«Absurde fablar og surrealistiske forteljingar», kallar forlaget Marit O. Kaldhols Mjølketannmuseet. Dei tar ikkje for hardt i. Her møter vi kvinner som føder egg, fisk og stein, barn som blir stua vekk i ein koffert i ein oppbevaringsboks eller haldne i bur av hønsenetting, og søskenpar som hiv foreldra sine på bålet.
Denne underleggjerande forteljeforma er sjølvsagt ikkje berre leik, sjølv om forma er leiken. Ho er meint å seie noko om verkelegheita frå ein annan kant. Nøyaktig kva kvar enkelt tekst tyder, blir opp til lesaren å tolke. Kva tyder dette for meg? Kva tyder det for deg at Gregor Samsa i Kafkas Forvandlingen ein dag vaknar og er blitt eit insekt? Kva hadde det å seie i den politiske samtida hans? Kven snakka han til?
Grufullt morosam
I desse 26 merkverdige forteljingane finst det gjennomgangsmotiv som livsløp, vatn, stein, kvinne/mor, barn og fødsel. Tekstane heng saman som konsept, sjølv om dei har ulik eigenart. Tematisk undersøker dei ofte familierelasjonar. Felles for dei er òg at dei gjennom det underleggjerande grepet ommøblerer hjernen vår under lesinga. Vi blir tvinga til å sjå for oss heilt andre bilde enn vi kjenner frå før. Morosamt er det òg: «Da° hunden dør, gjer det ingenting, for i mellomtida har mannen fa°tt seg kone.» «Ei kvinne giftar seg med ein hund. Hunden kjøper seg ein sykkel.» Eller «– Skund deg, kom. Mor er begynt a° mygle.»
«Skråstilt tann» begynner slik: «Eit par fa°r eit barn som er sa° stygt at dei ikkje vil ha det.» Dei prøver alt dei kan å bli kvitt det: kaste det i bosset, gløyme det igjen på kjøpesenteret, selje det til omreisande sirkus, plassere det i ein berg-og-dal-bane, usikra. Teksten er grufullt morosam, og folk kan med fordel droppe Netflix ei lita stund og lese han høgt for kvarandre, slik ein gjorde i gamle dagar. Ein annan favoritt er «Mor og fisk», der mor altså føder ein fisk og følgjer han opp gjennom puberteten med alle dei utfordringane pubertetsfiskar kan by på. Ein tredje er «Skjelsamlarane», der mor myglar og forfell, og barna til sist endar i ein pussig arvestrid der det handlar om å tene pengar på å vise fram «verdas minste mor».
Noko for kvar
Blant alle dei originale bilda er det eitt som slår meg som litt for velbrukt: «Ei kvinne gir bort hjartet sitt til ein mann. Han set tennene i det, et gra°dig, et seg mett.» At eit kvinnehjarte blir ete av ein mann, opplever eg at eg har blitt presentert for mange gongar før. I tillegg er tekstar som «Blodspor» og «Badekaret» noko uforløyste. No er det ikkje så lett å avgjere kva tid ein surrealistisk tekst er forløyst, men det handlar om kjensla av at teksten blir for innforstått eller ikkje gir noko særleg.
Men dette er for bagatellar å rekne i ei elles fornøyeleg og undringsskapande samling tekstar som også språkleg er svært gjennomarbeidd.
Ingvild Bræin
Ingvild Bræin er litteraturvitar og fast bokmeldar i Dag og Tid.
Teksten er grufullt morosam, og folk kan med fordel droppe Netflix ei lita stund og lese han høgt for kvarandre.
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.