🎧 Mellom bjørneklem og bjørneteneste
Kjersti Halvorsen skriv underhaldande og uhyggeleg om terror og humanisme.
Kjersti Halvorsen frå Lier er ute med sin første roman.
Foto: Anna-Julia Granberg
Lytt til artikkelen:
Roman
Kjersti
Halvorsen:
Ida tar ansvar
Cappelen Damm
Når ein somme tider seier at noko var frykteleg morosamt, hender det faktisk at ein meiner at det var heilt frykteleg og skikkeleg morosamt. Slik er det med Kjersti Halvorsens debutroman Ida tar ansvar. Tonen er lett og liketil, humoren er språkleg sofistikert og basert på blikk for situasjonar. Men innhaldet blir mørkare og mørkare, og kombinert med denne lystige tonen får heilskapen etter kvart klang av speledåse i skrekkfilm – eit anna kjent, uhyggeleg dobbeltgrep.
Lause kanonar
No høyrest det ut som vi snakkar om ein gotisk roman. Det gjer vi ikkje. Uhygga ligg på eit anna plan. Ida flyttar heimanfrå for å studere psykologi på Blindern i Oslo. Bak henne ligg det eit studieår frå Trondheim, der ho har hatt eit samanbrot. No gyv ho laus på nytt, kjenner seg betre. Ho blir ven med Siri, bur i eit kollektiv der ingen tar ansvar for å halde fellesområda reine, slik det er med kollektiv, ho treffer kjekke og solide Jonas. Og ho treffer den dystre, ubereknelege, upulte og sjølvutnemnt utstøtte Aksel, som har våpen i skåpet og i beste fall tvitydig innhald i ytringane sine.
Romanen utforskar blant anna kva som kan skape grobotn for einsemda og framandkjensla hos unge gutar, som gjer at dei kan ende opp som kvinnehatarar, samfunnsforaktarar og lause kanonar – eller skuleskytarar. Det er godt skildra, og ein går i seg sjølv mens ein les. Problemet er at det gjer Ida òg, som tittelen viser til, og den grenselause humanismen blir urovekkande, etter at vi har fnist av han ei stund. For ei teneste trekt for langt er og blir ei bjørneteneste. Eller ulveteneste, for å sjå til bildebruken i boka.
Vi ser alt gjennom Idas auge, og sidan det alltid ligg ei tolking før attgjevinga av røynda (det gjeld oss alle, men alle er ikkje like nevrotiske som Ida), varierer det kor påliteleg vi synest ho er. Det vil seie – det slår oss plutseleg, langt uti boka, at kanskje vi ikkje kan stole på hennar eigne inntrykk. Då sveivar speledåsen i gang igjen.
Glitrande språk
Halvorsen skriv presist og observant: «Denne kroppen er en angstmaskin. Jeg kunne jobbet i en angstfabrikk og blitt ma°nedens ansatt.» Heile dette strekket om fablinga over om angst kunne tappast og omsettast, kva nytte det kunne gjort i kriminalomsorga eller kjøttproduksjonen, er kosteleg. Ho minner oss på det utrulege i det sjølvsagde, som når ein skal sove: «Sa° merkelig at alle mennesker legger seg ned, trekker dyna over seg og mister bevisstheten.» Det er frigjerande når slitne bilete blir bytt ut med meir tidsriktige: «I USA sirkulerer va°pen som pokemonkort», og direkte imponerande når ho både set bilda elegant saman og ladar dei med relevant tyding for handlinga, som her: «Hvorfor se ut som en million dollar na°r man kan se ut som tretti sølvpenger.»
Debutanten er altså allereie godt medviten om dei litterære grepa sine. Dessutan finn vi uuttalte referansar til forfattarar som Nordahl Grieg, Karl Ove Knausgård, Halldis Moren Vesaas og Ernest Hemingway. I tillegg kjem andre inspirasjonskjelder som på pliktoppfyllande vis er lista opp bak i boka. Ingen referansar kjem inn som name-dropping, men som passande bidrag i teksten. Samtidig syner det ein forfattar som plasserer seg audmjukt i litteraturheimen, ikkje arrogant utanfor han.
Ingvild Bræin
Ingvild Bræin er litteraturvitar og
fast bokmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Lytt til artikkelen:
Roman
Kjersti
Halvorsen:
Ida tar ansvar
Cappelen Damm
Når ein somme tider seier at noko var frykteleg morosamt, hender det faktisk at ein meiner at det var heilt frykteleg og skikkeleg morosamt. Slik er det med Kjersti Halvorsens debutroman Ida tar ansvar. Tonen er lett og liketil, humoren er språkleg sofistikert og basert på blikk for situasjonar. Men innhaldet blir mørkare og mørkare, og kombinert med denne lystige tonen får heilskapen etter kvart klang av speledåse i skrekkfilm – eit anna kjent, uhyggeleg dobbeltgrep.
Lause kanonar
No høyrest det ut som vi snakkar om ein gotisk roman. Det gjer vi ikkje. Uhygga ligg på eit anna plan. Ida flyttar heimanfrå for å studere psykologi på Blindern i Oslo. Bak henne ligg det eit studieår frå Trondheim, der ho har hatt eit samanbrot. No gyv ho laus på nytt, kjenner seg betre. Ho blir ven med Siri, bur i eit kollektiv der ingen tar ansvar for å halde fellesområda reine, slik det er med kollektiv, ho treffer kjekke og solide Jonas. Og ho treffer den dystre, ubereknelege, upulte og sjølvutnemnt utstøtte Aksel, som har våpen i skåpet og i beste fall tvitydig innhald i ytringane sine.
Romanen utforskar blant anna kva som kan skape grobotn for einsemda og framandkjensla hos unge gutar, som gjer at dei kan ende opp som kvinnehatarar, samfunnsforaktarar og lause kanonar – eller skuleskytarar. Det er godt skildra, og ein går i seg sjølv mens ein les. Problemet er at det gjer Ida òg, som tittelen viser til, og den grenselause humanismen blir urovekkande, etter at vi har fnist av han ei stund. For ei teneste trekt for langt er og blir ei bjørneteneste. Eller ulveteneste, for å sjå til bildebruken i boka.
Vi ser alt gjennom Idas auge, og sidan det alltid ligg ei tolking før attgjevinga av røynda (det gjeld oss alle, men alle er ikkje like nevrotiske som Ida), varierer det kor påliteleg vi synest ho er. Det vil seie – det slår oss plutseleg, langt uti boka, at kanskje vi ikkje kan stole på hennar eigne inntrykk. Då sveivar speledåsen i gang igjen.
Glitrande språk
Halvorsen skriv presist og observant: «Denne kroppen er en angstmaskin. Jeg kunne jobbet i en angstfabrikk og blitt ma°nedens ansatt.» Heile dette strekket om fablinga over om angst kunne tappast og omsettast, kva nytte det kunne gjort i kriminalomsorga eller kjøttproduksjonen, er kosteleg. Ho minner oss på det utrulege i det sjølvsagde, som når ein skal sove: «Sa° merkelig at alle mennesker legger seg ned, trekker dyna over seg og mister bevisstheten.» Det er frigjerande når slitne bilete blir bytt ut med meir tidsriktige: «I USA sirkulerer va°pen som pokemonkort», og direkte imponerande når ho både set bilda elegant saman og ladar dei med relevant tyding for handlinga, som her: «Hvorfor se ut som en million dollar na°r man kan se ut som tretti sølvpenger.»
Debutanten er altså allereie godt medviten om dei litterære grepa sine. Dessutan finn vi uuttalte referansar til forfattarar som Nordahl Grieg, Karl Ove Knausgård, Halldis Moren Vesaas og Ernest Hemingway. I tillegg kjem andre inspirasjonskjelder som på pliktoppfyllande vis er lista opp bak i boka. Ingen referansar kjem inn som name-dropping, men som passande bidrag i teksten. Samtidig syner det ein forfattar som plasserer seg audmjukt i litteraturheimen, ikkje arrogant utanfor han.
Ingvild Bræin
Ingvild Bræin er litteraturvitar og
fast bokmeldar i Dag og Tid.
Halvorsen skriv presist og observant.
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?