Musikk
Arkivet: Var det alt? La oss danse!
Divaen på Capitol Records i 1969.
Omslag: William George.
«Is That All There Is?» song Peggy Lee i 1969 med den dempa røysta si, kalla «breathy». Tekst og melodi ved Jerry Leiber og Mike Stoller, som òg produserte albumet med same tittel, men tittelsporet var meisterleg arrangert av ein ung Randy Newman. Han spelte dei vare pianotonane i opninga og dirigerte studioorkesteret inn i ein mektig finale.
Songen blei den største hiten til Peggy Lee sidan «Fever» ti år tidlegare, og bidrog til Grammy-pris som beste kvinnelege popartist 1970. Teksten bygde på ei Thomas Mann-novelle som på engelsk heiter «Disillusionment», og fanga tidsånda på tampen av sekstitalet.
Nummeret vekslar mellom ein forteljande monolog som Peggy Lee framfører med truverdig dekadent røyst – ho var også skodespelar – og det uimotståelege refrenget som ho syng med ensemblet i valsetakt: «Is that all there is to a burning fire/ then let’s keep on dancing/ let’s drink all the booze and have a ball.»
Peggy Lee blei omfamna av så vel hippieungdom som dei godt vaksne som hadde følgt ho sidan 40-talet. Songen har vore covra av Bette Midler, P.J. Harvey og Chaka Khan, og no-wave-artisten Christina og mange andre.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
