JavaScript is disabled in your web browser or browser is too old to support JavaScript. Today almost all web pages contain JavaScript, a scripting programming language that runs on visitor's web browser. It makes web pages functional for specific purposes and if disabled for some reason, the content or the functionality of the web page can be limited or unavailable.

Takk for at du vil dele artikkelen

Den du deler artikkelen med, kan lese og eventuelt lytte til heile artikkelen.
Det gjer vi for at fleire skal oppdage DAG OG TID.

Namnet ditt vert synleg for alle du deler artikkelen med.

FilmMeldingar

Andinsk avskil

Boliviansk drama er lågmælt, høgaktuelt og glitrande.

Kvar veke les vi inn utvalde artiklar, som abonnentane våre kan lytte til.
Lytt til artikkelen
Clever (Santos Choque) prøver å overtale bestefaren Virginio (José Calcina) og bestemora Sisa (Louisa Quispe) til å flytte frå garden langt oppe i Andesfjella.

Clever (Santos Choque) prøver å overtale bestefaren Virginio (José Calcina) og bestemora Sisa (Louisa Quispe) til å flytte frå garden langt oppe i Andesfjella.

Foto: Fidalgo Filmdistribusjon

Clever (Santos Choque) prøver å overtale bestefaren Virginio (José Calcina) og bestemora Sisa (Louisa Quispe) til å flytte frå garden langt oppe i Andesfjella.

Clever (Santos Choque) prøver å overtale bestefaren Virginio (José Calcina) og bestemora Sisa (Louisa Quispe) til å flytte frå garden langt oppe i Andesfjella.

Foto: Fidalgo Filmdistribusjon

2806
20230113
2806
20230113

Drama

Regi: Alejandro
Loayza Grisi

Utama – vårt hjem

Med: José Calcina, Luisa Quispe, Santos Choque
Kinofilm

Virginio (Calcina) og Sisa (Quispe) er eit eldre par som bur på eit grisgrendt boliviansk platå mellom Andesfjella. Han gjetar lamaflokken. Ho ser til jordflekken, hentar vatn og lagar mat. Når barnebarnet Clever (Choque) vitjar, blir Sisa glad, men Virginio er skeptisk. Clever vil at dei to skal bli med til byen. Det regnar ikkje nok lenger, og hosten til Virginio er fæl. Ikkje snakk om, seier den gamle.

Ekte par

Debutantregissøren Alejandro Loayza Grisi har bakgrunn som fotograf. Det ser ein. Dei vêrbitne andleta og hendene skin. Spektakulært landskap er vakkert ramma inn. At det ofte er ei mengd lamaar på lerretet, er bonus. Vi får tid til å ta inn dei nydelege bileta, sjølv om det er nok av dramatiske element i forteljinga. Stundom kjem flotte, forstyrrande tonar med rette regionale instrument. Ingen Hollywood-strykarar.

José Calcina og Luisa Quispe i hovudrollene er i røynda eit ekte par som aldri har spelt skodespel før. Det gjer dei med bravur. Kjærleik, sinne, kvardag og dramatikk verkar aldri tillært. Ein får kjensla av levd liv, og ein blir forelska av å sjå naturlege Quispe i rolla som myndig og hjarteleg kone og bestemor. Santos Choque som Clever har like mykje røynd som murar, drosjesjåfør og skodespelar. Han overtyder som bygut med urfolkrøter, i klem mellom det nye og det gamle.

Kondoren flyg forbi

Clever forstår ikkje quechua. Sisa tilpassar seg og pratar spansk, men Virginio vil helst gni inn alt som er tapt for bortskjemte byfolk som ikkje held på tradisjonane. Den fråverande faren til Clever har både han og Virginio eit trøblete forhold til. Generasjonskløfta og den massive migrasjonen mot byar i Latin-Amerika er formidla effektivt. Verda endrar seg. Livet med landbruk blir stadig hardare. Dei livgjevande isbreane i fjella forsvinn. Kondoren vakar. Når Virginio skildrar korleis dei majestetiske fuglane driv med ættestup, snakkar han like gjerne om seg sjølv. Kanskje han jamvel siktar til ein generasjon, eit levesett og ein heil kultur.

Utama er med fyrste augekast ei enkel forteljing. Likevel rommar historia tema som kjærleik, generasjonar, livssirklar, trua kulturar, migrasjon og klima. Strålande smålåten stil sikrar at filmen aldri er overlest. Sjå han gjerne som ei likefram, rørande historie. Nyt bileta. La tankane svirre om dei store spørsmåla etter at du kjem ut av salen. Boliviansk film på kino i Noreg er sjeldan vare. Denne er enormt god. Brått er han borte. Nytt høvet.

Håkon Tveit

Håkon Tveit er lektor i latin­amerikansk kultur og historie ved Universitetet i Bergen og fast filmmeldar i Dag og Tid.

Digital tilgang til DAG OG TID – heilt utan binding

Prøv ein månad for kr 49.
Deretter kr 199 per månad. Stopp når du vil.

Drama

Regi: Alejandro
Loayza Grisi

Utama – vårt hjem

Med: José Calcina, Luisa Quispe, Santos Choque
Kinofilm

Virginio (Calcina) og Sisa (Quispe) er eit eldre par som bur på eit grisgrendt boliviansk platå mellom Andesfjella. Han gjetar lamaflokken. Ho ser til jordflekken, hentar vatn og lagar mat. Når barnebarnet Clever (Choque) vitjar, blir Sisa glad, men Virginio er skeptisk. Clever vil at dei to skal bli med til byen. Det regnar ikkje nok lenger, og hosten til Virginio er fæl. Ikkje snakk om, seier den gamle.

Ekte par

Debutantregissøren Alejandro Loayza Grisi har bakgrunn som fotograf. Det ser ein. Dei vêrbitne andleta og hendene skin. Spektakulært landskap er vakkert ramma inn. At det ofte er ei mengd lamaar på lerretet, er bonus. Vi får tid til å ta inn dei nydelege bileta, sjølv om det er nok av dramatiske element i forteljinga. Stundom kjem flotte, forstyrrande tonar med rette regionale instrument. Ingen Hollywood-strykarar.

José Calcina og Luisa Quispe i hovudrollene er i røynda eit ekte par som aldri har spelt skodespel før. Det gjer dei med bravur. Kjærleik, sinne, kvardag og dramatikk verkar aldri tillært. Ein får kjensla av levd liv, og ein blir forelska av å sjå naturlege Quispe i rolla som myndig og hjarteleg kone og bestemor. Santos Choque som Clever har like mykje røynd som murar, drosjesjåfør og skodespelar. Han overtyder som bygut med urfolkrøter, i klem mellom det nye og det gamle.

Kondoren flyg forbi

Clever forstår ikkje quechua. Sisa tilpassar seg og pratar spansk, men Virginio vil helst gni inn alt som er tapt for bortskjemte byfolk som ikkje held på tradisjonane. Den fråverande faren til Clever har både han og Virginio eit trøblete forhold til. Generasjonskløfta og den massive migrasjonen mot byar i Latin-Amerika er formidla effektivt. Verda endrar seg. Livet med landbruk blir stadig hardare. Dei livgjevande isbreane i fjella forsvinn. Kondoren vakar. Når Virginio skildrar korleis dei majestetiske fuglane driv med ættestup, snakkar han like gjerne om seg sjølv. Kanskje han jamvel siktar til ein generasjon, eit levesett og ein heil kultur.

Utama er med fyrste augekast ei enkel forteljing. Likevel rommar historia tema som kjærleik, generasjonar, livssirklar, trua kulturar, migrasjon og klima. Strålande smålåten stil sikrar at filmen aldri er overlest. Sjå han gjerne som ei likefram, rørande historie. Nyt bileta. La tankane svirre om dei store spørsmåla etter at du kjem ut av salen. Boliviansk film på kino i Noreg er sjeldan vare. Denne er enormt god. Brått er han borte. Nytt høvet.

Håkon Tveit

Håkon Tveit er lektor i latin­amerikansk kultur og historie ved Universitetet i Bergen og fast filmmeldar i Dag og Tid.

Strålande smålåten stil sikrar at filmen aldri er overlest.

Emneknaggar

Fleire artiklar

Markeringa av den internasjonale kvinnedagen 8. mars 2024 på Youngstorget i Oslo. Abida Raja heldt appell mot æreskriminalitet og kvinneundertrykking.

Markeringa av den internasjonale kvinnedagen 8. mars 2024 på Youngstorget i Oslo. Abida Raja heldt appell mot æreskriminalitet og kvinneundertrykking.

Foto: Javad Parsa

Samfunn

Den seigliva æresvalden

Debatten om æreskriminalitet er gamal. Framleis manglar dei heilskaplege løysingane, seier forfattaren Terje Bjøranger.

PernilleGrøndal
Markeringa av den internasjonale kvinnedagen 8. mars 2024 på Youngstorget i Oslo. Abida Raja heldt appell mot æreskriminalitet og kvinneundertrykking.

Markeringa av den internasjonale kvinnedagen 8. mars 2024 på Youngstorget i Oslo. Abida Raja heldt appell mot æreskriminalitet og kvinneundertrykking.

Foto: Javad Parsa

Samfunn

Den seigliva æresvalden

Debatten om æreskriminalitet er gamal. Framleis manglar dei heilskaplege løysingane, seier forfattaren Terje Bjøranger.

PernilleGrøndal
Ei palestinsk kvinne passerer ruinane av bustadblokker i Hamad i Khan Younis sør på Gaza 13. mars 2024.

Ei palestinsk kvinne passerer ruinane av bustadblokker i Hamad i Khan Younis sør på Gaza 13. mars 2024.

Foto: Ahmed Zakot / Reuters / NTB

KrigSamfunn
Morten A. Strøksnes

Alt dette var ikkje nødvendig

Krigen i Gaza er ikkje eit brot, men snarare ei logisk fullbyrding av politikken som er ført dei siste femti åra i Israel.

Ferdigmathylla på butikken er ofte ganske stor. Men er det dei små som handterer ho best?

Ferdigmathylla på butikken er ofte ganske stor. Men er det dei små som handterer ho best?

Foto: Terje Pedersen / NTB

Frå matfatetKunnskap
Siri Helle

Ferdigmiddag

Det kan sjå ut som smådriftsfordelar bør få dominere norsk ferdigmatproduksjon. 

Presidentkandidat Donald Trump gjer honnør når dei spelar av opptaket der dømde etter 6. januar-åtaket på Kongressen syng nasjonalsongen i kor.

Presidentkandidat Donald Trump gjer honnør når dei spelar av opptaket der dømde etter 6. januar-åtaket på Kongressen syng nasjonalsongen i kor.

Foto: Jeff Dean / AP / NTB

KommentarSamfunn
Torbjørn L. Knutsen

Val på kanten av stupet?

– Om eg ikkje vinn presidentvalet i haust, betyr det slutten på det amerikanske demokratiet, sa Trump på eit valmøte i Ohio sist helg.

Å seie opp EØS-avtala ville vere ei stor ulukke for norske verksemder, skriv Jan Erik Grindheim, professor og statsvitar i tankesmia Civita.

Å seie opp EØS-avtala ville vere ei stor ulukke for norske verksemder, skriv Jan Erik Grindheim, professor og statsvitar i tankesmia Civita.

Foto: Cornelius Poppe / NTB

Ordskifte

Bør nasjonalegoisme styre vårt forhold til EU?

Å seie opp EØS-avtala er ikkje nokon veg å gå for å styrke det norske folkestyret, slik leiar i Nei til EU Einar Frogner seier.

Jan Erik Grindheim
Å seie opp EØS-avtala ville vere ei stor ulukke for norske verksemder, skriv Jan Erik Grindheim, professor og statsvitar i tankesmia Civita.

Å seie opp EØS-avtala ville vere ei stor ulukke for norske verksemder, skriv Jan Erik Grindheim, professor og statsvitar i tankesmia Civita.

Foto: Cornelius Poppe / NTB

Ordskifte

Bør nasjonalegoisme styre vårt forhold til EU?

Å seie opp EØS-avtala er ikkje nokon veg å gå for å styrke det norske folkestyret, slik leiar i Nei til EU Einar Frogner seier.

Jan Erik Grindheim

les DAG OG TID.
Vil du òg prøve?

Her kan du prøve vekeavisa DAG OG TID gratis i tre veker.
Prøveperioden stoppar av seg sjølv.

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis

Komplett

Papiravisa
Digital utgåve av papiravisa
Digitale artiklar
Digitalt arkiv
Lydavis

Digital

Digital utgåve av papiravisa
Digitale artiklar
Digitalt arkiv
Lydavis