Usakleg debatt
Eit stortingsfleirtal av Ap, Sp, SV og KrF har bede regjeringa om å ikkje liberalisere reglane for sundagshandel. Grunngjevinga er at ikkje fleire skal måtte jobbe på heilagdagar.
Dette har falle delar av høgresida tungt for brystet. Særleg fordi regjeringa nett har sendt på høyring utgreiinga frå utvalet som har vurdert dagens reglar for sundagshandel og føreslege nokre liberaliseringar.
Kristin Clemet i tankesmia Civita seier i NRK at når 14 personar har brukt halvtanna år på å greie ut over 200 sider korleis reglane kan betrast, og det er sendt på høyring, er det respektlaust å seie at arbeidet kan avbrytast. Dagens Næringsliv skriv på leiarplass at det er «politisk uskikk» og «respektløst overfor utvalget».
Det kunne vore interessant å høyre om Clemet eller DN hadde argument for at meir sundagshandel var ein klar fordel, om handelsnæringa såg seg tent med det, eller om forbrukarane ønskte eller trong det, til dømes. Det har dei ikkje. Det vert peika på at reglane i dag er ulogiske og konkurransevridande. Bensinstasjonar på 150 kvadratmeter kan selje mjølk på sundag, medan matbutikkar over 100 kvadratmeter ikkje får det. Ifølgje Geir Bekkevold i KrF kan regjeringa framleis føreslå å gjere noko med konkurransevridinga, så lenge forslaget ikkje er liberaliserande.
Argumenta om respektløyse hadde vore lettare å ta på alvor om dei var konsekvente. Men det kom ikkje store klagerop frå Civita eller DN då dei borgarlege partia skrota lov om god handelsskikk, etter at eitt utval fyrst hadde tilrådd ei lov og eit anna utval deretter hadde utarbeidd forslag til lov. Det var arbeid frå 22 personar over to og eit halvt år, og på over 266 sider.
Å la vere å liberalisere reglane for sundagshandel handlar ikkje om politisk uskikk og respektløyse. Det handlar om politiske prioriteringar og fleirtalsvedtak. Det er trass alt Stortinget som er valt av folket, ikkje regjeringa.
Eva Aalberg Undheim
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eit stortingsfleirtal av Ap, Sp, SV og KrF har bede regjeringa om å ikkje liberalisere reglane for sundagshandel. Grunngjevinga er at ikkje fleire skal måtte jobbe på heilagdagar.
Dette har falle delar av høgresida tungt for brystet. Særleg fordi regjeringa nett har sendt på høyring utgreiinga frå utvalet som har vurdert dagens reglar for sundagshandel og føreslege nokre liberaliseringar.
Kristin Clemet i tankesmia Civita seier i NRK at når 14 personar har brukt halvtanna år på å greie ut over 200 sider korleis reglane kan betrast, og det er sendt på høyring, er det respektlaust å seie at arbeidet kan avbrytast. Dagens Næringsliv skriv på leiarplass at det er «politisk uskikk» og «respektløst overfor utvalget».
Det kunne vore interessant å høyre om Clemet eller DN hadde argument for at meir sundagshandel var ein klar fordel, om handelsnæringa såg seg tent med det, eller om forbrukarane ønskte eller trong det, til dømes. Det har dei ikkje. Det vert peika på at reglane i dag er ulogiske og konkurransevridande. Bensinstasjonar på 150 kvadratmeter kan selje mjølk på sundag, medan matbutikkar over 100 kvadratmeter ikkje får det. Ifølgje Geir Bekkevold i KrF kan regjeringa framleis føreslå å gjere noko med konkurransevridinga, så lenge forslaget ikkje er liberaliserande.
Argumenta om respektløyse hadde vore lettare å ta på alvor om dei var konsekvente. Men det kom ikkje store klagerop frå Civita eller DN då dei borgarlege partia skrota lov om god handelsskikk, etter at eitt utval fyrst hadde tilrådd ei lov og eit anna utval deretter hadde utarbeidd forslag til lov. Det var arbeid frå 22 personar over to og eit halvt år, og på over 266 sider.
Å la vere å liberalisere reglane for sundagshandel handlar ikkje om politisk uskikk og respektløyse. Det handlar om politiske prioriteringar og fleirtalsvedtak. Det er trass alt Stortinget som er valt av folket, ikkje regjeringa.
Eva Aalberg Undheim
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.