Småleg frå
regjeringa
Regjeringas framlegg til kutt i støtta til ei rekkje små norske friviljuge organisasjonar er svært uheldig for dei mange som har glede av arbeidet desse organisasjonane utfører. Vi talar ikkje her om dei store organisasjonane, som Raudekrossen eller Kirkens Nødhjelp, men små organisasjonar som med lite pengar klarer å få til mykje.
Det er merkeleg at Høgre går inn for desse budsjettmessige uvesentlege innsparingane i statsbudsjettet, for vektlegging av friviljug arbeid er ein del av det ideologiske grunnsynet til partiet.
Det same gjeld for Frp, som i prinsipprogrammet skriv at «frivillige organisasjoner er en viktig del samfunnet og bidrar til mangfold gjennom personleg engasjement. Velferdssamfunnet er avhengig av innsatsen til frivillige organisasjoner for å kunne løse fleire samfunnsoppgaver».
At Frp vil kutta støtta til organisasjonar med tilknyting til landbruket – som 4H og Norges Bygdekvinnelag – er vel ikkje uventa. Men kvifor kuttar dei i støtta til Norsk forbund for utviklingshemma og tilskota til krisesentera for kvinner? No må Venstre og KrF nytta tid og krefter på å lyfta desse postane tilbake til utgangspunktet. Vi har sett det same spelet om pressestøtta dei siste åra.
Dette er eit openbert taktisk spel frå regjeringa si side. Venstre og KrF får nokre budsjettsigrar på denne måten, men i det store biletet er det tale om småpengar. Forhandlingane mellom regjeringa og stortinget burde derimot dreia seg om dei store pengane – om viktige vegval framover. Ikkje om å henta tilbake smålege kutt til Jussbuss, som gjev viktig gratis rettshjelp til folk som ikkje har råd til det.
Svein Gjerdåker
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Regjeringas framlegg til kutt i støtta til ei rekkje små norske friviljuge organisasjonar er svært uheldig for dei mange som har glede av arbeidet desse organisasjonane utfører. Vi talar ikkje her om dei store organisasjonane, som Raudekrossen eller Kirkens Nødhjelp, men små organisasjonar som med lite pengar klarer å få til mykje.
Det er merkeleg at Høgre går inn for desse budsjettmessige uvesentlege innsparingane i statsbudsjettet, for vektlegging av friviljug arbeid er ein del av det ideologiske grunnsynet til partiet.
Det same gjeld for Frp, som i prinsipprogrammet skriv at «frivillige organisasjoner er en viktig del samfunnet og bidrar til mangfold gjennom personleg engasjement. Velferdssamfunnet er avhengig av innsatsen til frivillige organisasjoner for å kunne løse fleire samfunnsoppgaver».
At Frp vil kutta støtta til organisasjonar med tilknyting til landbruket – som 4H og Norges Bygdekvinnelag – er vel ikkje uventa. Men kvifor kuttar dei i støtta til Norsk forbund for utviklingshemma og tilskota til krisesentera for kvinner? No må Venstre og KrF nytta tid og krefter på å lyfta desse postane tilbake til utgangspunktet. Vi har sett det same spelet om pressestøtta dei siste åra.
Dette er eit openbert taktisk spel frå regjeringa si side. Venstre og KrF får nokre budsjettsigrar på denne måten, men i det store biletet er det tale om småpengar. Forhandlingane mellom regjeringa og stortinget burde derimot dreia seg om dei store pengane – om viktige vegval framover. Ikkje om å henta tilbake smålege kutt til Jussbuss, som gjev viktig gratis rettshjelp til folk som ikkje har råd til det.
Svein Gjerdåker
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.