Hemnen er søt
Når einkvan gjer noko vondt mot oss, kan me få brennande lyst til å ta att.
Inst inne veit me nok at det er klokt å tola noko hefndalaust, som dei sa på norrønt: tola noko utan å hemna seg. For jamvel om det kan tykkjast rett og rimeleg å svara på vondt med vondt, er det keitt å hamna i ein hemnspiral. Og det er fort gjort: «Den eine hemnen dreg den andre etter seg.»
Hemn kjem av verbet hemna. Men skulle det ikkje då ha vore hokjønnsord og heitt hemnd, jamfør mønsteret nemnd av nemna? Jau, og i nokre mål er det slik. I norrønt finn me verbet hefna og hokjønnsordet hefnd (jf. islandsk hefnd, færøysk hevnd, svensk hämnd). I mange norske målføre er hemn hokjønnsord, og nokre stader finn me målføreforma hemd. Bakgrunnen til hankjønnsordet hemn er uklår. Det kan vera ei nylaging eller vera påverka av dansk hævn.
Kvar kjem so hemna ifrå? Dei lærde stridest, og det kan godt henda at usemjene har ført til skriftlege hemnåtak. Ein teori er at hemna (norr. hefna) kjem av eit mangslunge substantiv som gjerne vert kopla til verbet hefja (‘lyfta opp, heva’): höfn. Det har hatt tydingar som ‘iverksetjing, aksjon, tiltak’. Tanken er då at hemna opphavleg tydde ‘aksjonera, setja i verk’. Seinare kom tydinga ‘aksjonera på vegner av nokon eller mot nokon’.
Det er ikkje gjeve at dei som går rundt med hemntankar eller allereie er ute på hemntokt, nyttar orda hemn og hemna. Me har ei anna ordgruppe som tyder mykje det same: revansj(e), revansjera og vendetta. Dei to fyrste har vore ein tur innom fransk før dei kom til oss, det tredje har vore innom italiensk. Orda heng i hop med latin vindicare (‘fremja rettsleg krav; gjera krav på; verna; gripa inn mot; hemna’) og vindex (‘forsvarar; hemnar’).
Folk som er hemnfuse, hemngjerrige, hemnlystne, hemntyrste eller på andre måtar råka av hemntrong, kan hemna seg på ulike måtar. Hemnbrann og hemndrap, medrekna blodhemn, er gamle hemnakter. Hemnporno (jf. eng. revenge porn) er nyare. Då svertar ein folk, til dømes tidlegare partnarar, gjennom å spreia seksualiserte bilete eller filmar av dei på nettet utan samtykke.
Det hemner seg (straffar seg) å gå og vera full av hat og hemnlyst og pønska på hemnaksjonar heile tida. Som ordtaket seier: «Den som vil hemna all sin harm, han gjer seg usæl og arm.»
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Inst inne veit me nok at det er klokt å tola noko hefndalaust, som dei sa på norrønt: tola noko utan å hemna seg. For jamvel om det kan tykkjast rett og rimeleg å svara på vondt med vondt, er det keitt å hamna i ein hemnspiral. Og det er fort gjort: «Den eine hemnen dreg den andre etter seg.»
Hemn kjem av verbet hemna. Men skulle det ikkje då ha vore hokjønnsord og heitt hemnd, jamfør mønsteret nemnd av nemna? Jau, og i nokre mål er det slik. I norrønt finn me verbet hefna og hokjønnsordet hefnd (jf. islandsk hefnd, færøysk hevnd, svensk hämnd). I mange norske målføre er hemn hokjønnsord, og nokre stader finn me målføreforma hemd. Bakgrunnen til hankjønnsordet hemn er uklår. Det kan vera ei nylaging eller vera påverka av dansk hævn.
Kvar kjem so hemna ifrå? Dei lærde stridest, og det kan godt henda at usemjene har ført til skriftlege hemnåtak. Ein teori er at hemna (norr. hefna) kjem av eit mangslunge substantiv som gjerne vert kopla til verbet hefja (‘lyfta opp, heva’): höfn. Det har hatt tydingar som ‘iverksetjing, aksjon, tiltak’. Tanken er då at hemna opphavleg tydde ‘aksjonera, setja i verk’. Seinare kom tydinga ‘aksjonera på vegner av nokon eller mot nokon’.
Det er ikkje gjeve at dei som går rundt med hemntankar eller allereie er ute på hemntokt, nyttar orda hemn og hemna. Me har ei anna ordgruppe som tyder mykje det same: revansj(e), revansjera og vendetta. Dei to fyrste har vore ein tur innom fransk før dei kom til oss, det tredje har vore innom italiensk. Orda heng i hop med latin vindicare (‘fremja rettsleg krav; gjera krav på; verna; gripa inn mot; hemna’) og vindex (‘forsvarar; hemnar’).
Folk som er hemnfuse, hemngjerrige, hemnlystne, hemntyrste eller på andre måtar råka av hemntrong, kan hemna seg på ulike måtar. Hemnbrann og hemndrap, medrekna blodhemn, er gamle hemnakter. Hemnporno (jf. eng. revenge porn) er nyare. Då svertar ein folk, til dømes tidlegare partnarar, gjennom å spreia seksualiserte bilete eller filmar av dei på nettet utan samtykke.
Det hemner seg (straffar seg) å gå og vera full av hat og hemnlyst og pønska på hemnaksjonar heile tida. Som ordtaket seier: «Den som vil hemna all sin harm, han gjer seg usæl og arm.»
Kristin Fridtun
Kristin Fridtun er filolog og forfattar.
E-post: kristin.fridtun@gmail.com
Fleire artiklar
Det oppstår misvisande biletet av at covid-19 forårsakar Alzheimer, meiner Preben Aavitsland ve FHI.
Foto: Erik Johansen / NTB
Meir om seinfølgjer
Den årlege rapporten FHI har publisert, syner at dødeligheita blant personar under 40 år har vore nokså stabil sidan 2015.
Gukesh kan verta den klart yngste verdsmeisteren i historia. Carlsen var nesten fem år eldre då han vann kandidatturneringa og vart verdsmeister i 2013.
Foto: Maria Jemeljanova / Fide
«Sjølv har eg heller aldri sett ein så mogen 17-åring, korkje på eller utanfor sjakkbrettet.»
Line Eldring har leidd utvalet som tilrår at Noreg både bør vidareføre og utvide samarbeidet med EU på nye område framover. Ho la nyleg fram utgreiinga «Norge og EØS: Utviklinger og erfaringer» for utanriksminister Espen Barth Eide.
Foto: Terje Pedersen / NTB
Veksande fjernstyre
Tilknytinga vår til EU veks og veks, både gjennom EØS-avtalen og utanfor, ifølgje ei ny utgreiing. Og det er få som kjenner heilskapen.
Kina fyrer på alle sylindrane: Ingen bygger ut så mykje kolkraft som kinesarane gjer. Biletet viser eit kolkraftverk i Dingzhou i Hebei-provinsen.
Foto: Ng Han Guan / AP / NTB
Ein straum av problem
Straumforbruket i verda aukar framleis raskare enn fornybar kraftproduksjon. Kolkraftverk skal varme kloden i mange år enno.
Ludmila Shabelnyk syner bilete av sonen Ivan i landsbyen Kapitolivka ved Izium i Ukraina, 25. september 2022. Russiske okkupasjonsstyrkar mishandla Ivan grovt før dei drap han. Landsbyen vart seinare gjenerobra av ukrainske styrkar.
Foto: Evgeniy Maloletka / AP / NTB
Overgrep som skakar folkeretten
Okkupasjonsmakta Russland viser ingen respekt for konvensjonen som skal verne sivile i krig.