Frå matfatet
Glutenfri lauk
Ja, det kan faktisk hende vi må ta det produktet på alvor.
Det er sprøsteikt lauk på toppen, men er han glutenfri? Det veit berre produsenten – og magen til den som får lauken i seg, om han skulle vere så uheldig å ha cøliaki.
pxhere.com
Eg stoggar framfor den glutenfrie hylla på Rema. Ikkje fordi eg treng noko der – eg er blant dei heldige som ikkje har cøliaki – men av nyfikne: Denne hylla har vakse. Kva er det som bur her, eigentleg?
Ein ting er alle brødvarene. Å få til bakverk som hevar, utan å kunne nytte komponenten som gjer at bakverk hevar – glutenproteinet – er ein kunst såpass stor at vi nesten – men berre nesten – skal orsake at ein må bruke så mykje matkjemi at resultatet i brorparten av tilfella vert ultraprosessert. Men hylla er breiare enn berre bakverk, og eg ser forbi – og stoggar ved sprøsteikt lauk.
Ja, sånn lauk som du har på hotdogen din – det er ikkje så rart at han må ha sin eigen glutenfrie versjon, for den lauken du får i pølsekiosken, er mest truleg vend i kveitemjøl før han er fritert i olje, og kveitemjøl må vi jo unngå her.
For no snakkar vi om dei kanskje 5 prosentane av oss som har cøliaki – den autoimmune sjukdommen som gjer ein overkjensleg for gluten – og då gjeld det gluten i dei minste mengder: Sjølv glutenmengda i ein liten brødsmule på eit skjerebrett er meir enn nok til å gjere ein person med cøliaki temmeleg dårleg.
Altså: alternativ. Den glutenfrie lauken er rett og slett laga med rismjøl i staden for kveitemjøl. Ikkje kjenner eg skilnad på smaken, og ikkje ser eg større skilnad på pakken – begge variantane er laga av FoodMan AS og pakka som Remas eiga merkevare. Den einaste verkeleg skilnaden er prisen: Der vi utan cøliaki kan kjøpe sprøsteikt lauk til 7,70 kroner for ein pose på hundre gram, må ein med cøliaki ut med 22,60 kroner for ein like stor pose.
Kvifor er det slik?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
