Kviledagen
Høyberging på ein søndag var uhøyrt før i tida. Her er ein bonde med høylass fotografert på E18 i 1969.
Foto: Per Ervik / Sktuell / NTB
Les også
I sentrum av dramatikken stod den amerikanske presidenten John F. Kennedy (t.h.) og den sovjetiske leiaren Nikita Khrusjtsjov på kvar si side. Her frå det første møtet deira, i Wien i juni 1961.
Foto: AP / NTB
Små menn og krigen
Les også
Ein bisarr episode i norsk historie: norsk okkupasjon av Aust-grønland, 1931.
Historia i revers
Les også
I sentrum av dramatikken stod den amerikanske presidenten John F. Kennedy (t.h.) og den sovjetiske leiaren Nikita Khrusjtsjov på kvar si side. Her frå det første møtet deira, i Wien i juni 1961.
Foto: AP / NTB
Små menn og krigen
Les også
Ein bisarr episode i norsk historie: norsk okkupasjon av Aust-grønland, 1931.
Historia i revers
Mosebøkene, med sine forteljingar om korleis alt vart til, har verka formande på tru, tanke og liv i vår historie og kultur.
Gud skapte verda, alt som er, på seks dagar. Sjuande dagen kvilte han, etter slikt storarbeid. Dermed kom han til å setje ei norm for ettertida. Kviledagen var komen inn i historia, den sjuande dagen etter ei arbeidsveke på seks dagar.
Då han gav steintavlene med dei ti bodorda til Moses på Sinai, reserverte han dei tre første boda for seg og sitt. Andre gudar ville han ikkje vite av. Misbruk av hans namn ville han ikkje tole. Og ein dag i veka skulle vere heilag, som hans dag.
Først i dei sju siste boda gav han pålegg om menneskelivet, om familieliv, om drap, hor og grannens gods og kone, og alt det andre menneska har for seg.
Mosebøkene gav mange reglar om kviledagen, eller sabbaten, som dei kallar han. Reglane var detaljerte og strenge, kva ein kunne gjere eller ikkje gjere, og både Matteus og Johannes fortel i evangelia sine at Kristus sjølv demonstrativt braut slike rigide reglar.
I dagens Israel er det ein stendig politisk strid om kva ein kan gjere på sabbaten. Kan bussane gå? Kan kafeane vere opne?
Eg har sjølv prøvt å kjøpe eit glas øl på sabbaten i Tel Aviv. Det var mislukka.
Eg er vaksen opp på gard i Ryfylke. Der hadde vi strenge reglar for søndagsarbeid. Både vi og husdyra måtte ha stell og mat, så arbeid i fjøs og på kjøkken var lovleg.
Men å arbeide på jorda: pløying, høyberging og potethausting var ulovleg. Alt slikt kunne gjerast på dei andre vekedagane.
Dette vart praktisert strengt. Grannane heldt auge med kvarandre.
Dette var i tida før ensileringa overtok for høyberginga. Siloen kom til å overta for låven som lager for vinterfôret.
Høyberging i Ryfylke, med ustabilt og lunefullt vêr, var problematisk. Å få høyet tørt i hus var sommarens hovudprosjekt.
Ein sommardag mot slutten av veka såg vi at høyet i hesjene var i ferd med å bli takande i neste veke.
Men vêrmeldinga var elendig, regn og regn, og inga høyberging. Og høyberging på søndag var utenkjeleg.
Løysing vart funnen. Søndagskvelden la vi oss tidleg. Ved midnatt stod vi opp, kledde på oss og sela på hestane.
Og høyet kom i hus utover natta. Det var lys sommarnatt, så vi hadde det arbeidslyset vi trong.
Om morgonen var arbeidet utført. Dei vaksne gjekk til sitt vanlege arbeid, å ta hand om menneske og dyr på garden.
Vi borna gjekk og la oss. Det var sommarferie i skulen.
Det kom ikkje regn på måndag, ikkje seinare i veka heller.
Men høyet var i hus, og låven var full av ange frå soltørka høy.
Ingen av oss kom på at dette nattarbeidet var noko sært og underleg. Arven frå Mosebøkene og Moselova, med sitt vern om helga, var innbygd i livet vårt. Dette var rett handling, ingenting å diskutere.
Det har gått sytti år sidan denne nattlege høyberginga. På desse åra er vernet om søndagen nedbygd, og mykje anna er også endra.
I dag høyrest denne fôrhaustinga underleg og påfallande ut. Det gjorde ho ikkje då.
Andreas Skartveit
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Mosebøkene, med sine forteljingar om korleis alt vart til, har verka formande på tru, tanke og liv i vår historie og kultur.
Gud skapte verda, alt som er, på seks dagar. Sjuande dagen kvilte han, etter slikt storarbeid. Dermed kom han til å setje ei norm for ettertida. Kviledagen var komen inn i historia, den sjuande dagen etter ei arbeidsveke på seks dagar.
Då han gav steintavlene med dei ti bodorda til Moses på Sinai, reserverte han dei tre første boda for seg og sitt. Andre gudar ville han ikkje vite av. Misbruk av hans namn ville han ikkje tole. Og ein dag i veka skulle vere heilag, som hans dag.
Først i dei sju siste boda gav han pålegg om menneskelivet, om familieliv, om drap, hor og grannens gods og kone, og alt det andre menneska har for seg.
Mosebøkene gav mange reglar om kviledagen, eller sabbaten, som dei kallar han. Reglane var detaljerte og strenge, kva ein kunne gjere eller ikkje gjere, og både Matteus og Johannes fortel i evangelia sine at Kristus sjølv demonstrativt braut slike rigide reglar.
I dagens Israel er det ein stendig politisk strid om kva ein kan gjere på sabbaten. Kan bussane gå? Kan kafeane vere opne?
Eg har sjølv prøvt å kjøpe eit glas øl på sabbaten i Tel Aviv. Det var mislukka.
Eg er vaksen opp på gard i Ryfylke. Der hadde vi strenge reglar for søndagsarbeid. Både vi og husdyra måtte ha stell og mat, så arbeid i fjøs og på kjøkken var lovleg.
Men å arbeide på jorda: pløying, høyberging og potethausting var ulovleg. Alt slikt kunne gjerast på dei andre vekedagane.
Dette vart praktisert strengt. Grannane heldt auge med kvarandre.
Dette var i tida før ensileringa overtok for høyberginga. Siloen kom til å overta for låven som lager for vinterfôret.
Høyberging i Ryfylke, med ustabilt og lunefullt vêr, var problematisk. Å få høyet tørt i hus var sommarens hovudprosjekt.
Ein sommardag mot slutten av veka såg vi at høyet i hesjene var i ferd med å bli takande i neste veke.
Men vêrmeldinga var elendig, regn og regn, og inga høyberging. Og høyberging på søndag var utenkjeleg.
Løysing vart funnen. Søndagskvelden la vi oss tidleg. Ved midnatt stod vi opp, kledde på oss og sela på hestane.
Og høyet kom i hus utover natta. Det var lys sommarnatt, så vi hadde det arbeidslyset vi trong.
Om morgonen var arbeidet utført. Dei vaksne gjekk til sitt vanlege arbeid, å ta hand om menneske og dyr på garden.
Vi borna gjekk og la oss. Det var sommarferie i skulen.
Det kom ikkje regn på måndag, ikkje seinare i veka heller.
Men høyet var i hus, og låven var full av ange frå soltørka høy.
Ingen av oss kom på at dette nattarbeidet var noko sært og underleg. Arven frå Mosebøkene og Moselova, med sitt vern om helga, var innbygd i livet vårt. Dette var rett handling, ingenting å diskutere.
Det har gått sytti år sidan denne nattlege høyberginga. På desse åra er vernet om søndagen nedbygd, og mykje anna er også endra.
I dag høyrest denne fôrhaustinga underleg og påfallande ut. Det gjorde ho ikkje då.
Andreas Skartveit
Les også
I sentrum av dramatikken stod den amerikanske presidenten John F. Kennedy (t.h.) og den sovjetiske leiaren Nikita Khrusjtsjov på kvar si side. Her frå det første møtet deira, i Wien i juni 1961.
Foto: AP / NTB
Små menn og krigen
Les også
Ein bisarr episode i norsk historie: norsk okkupasjon av Aust-grønland, 1931.
Historia i revers
Fleire artiklar
Judith Butler er filosof og ein frontfigur innanfor kjønnsteori.
Foto: Elliott Verdier / The New York Times / NTB
Ein endrar ikkje naturen med talemåtar
Dombås Hotell brenn 19. mai 2007.
Foto: Kari Anette Austvik / NTB
Frå bridgeverda: Svidd utgang
Kjersti Halvorsen er psykolog og forfattar.
Foto: Lina Hindrum
Fadesar og fasadar
Roboten blir til mens vi ror.
Det er naturleg å rykkja til når ein skjønar at laget ein spelar eller heiar på, rykkjer ned (jf. opprykk, nedrykk), skriv Kristin Fridtun. Her tek Ranheims Mads Reginiussen til tårene etter nedrykk i eliteseriekampen i fotball mellom Rosenborg og Ranheim på Lerkendal Stadion (3-2).
Foto: Ole Martin Wold / NTB
I rykk og napp
Det er naturleg å rykkja til når ein skjønar at laget ein spelar eller heiar på, rykkjer ned.
Ein soldat ber eit portrett av den drepne våpenbroren og aktivisten Pavel Petrisjenko i gravferdsseremonien hans i Kyiv 19. april. Petrisjenko døydde i kamp mot russiske okkupantar aust i Ukraina. Han er tidlegare omtalt i denne spalta fordi han arbeidde for å stogge pengespel som finansiering av det ukrainske forsvaret.
Foto: Valentyn Ogirenko / Reuters / NTB
Hagen til Kvilinskyj finst ikkje lenger
Alle historier, det gjeld òg dei som ser ut til å ha nådd slutten, har eit framhald.