Ny avlsokse til Dag og Tid-kyrne
Dag og Tid-kyrne har fått ny avlsokse – fjordfekalven Kjell Bjarne II.
Kjell Bjarne II, mønstra av Knut Lussand Selheim.
Foto: Svein Gjerdåker
Kalven vart fødd 26. februar og henta til gards i påska frå buskapen til Arne Bekkevoll i Vadheim i Sogn. Bekkevoll er ein av dei i landet med mest kunnskap om vestlandsk fjordfe, og dyra hans har høg status i fjordfemiljøet.
For nye lesarar driv altså Dag og Tid støl kvar sommar og har dei to fjordfekyrne Ameline og Somrei ståande på garden Selheim på Voss om vinteren.
Spjutlin, mor til den nye avlsoksen, mjølkar 24 liter for dagen. Ho er snill, men hard i taka, og ho veit kva ho vil, ifylgje Bekkevoll. Kjell Bjarne II, som er fjerde kalven hennar, er ein tettbygd, muskelsett liten kalv som Hilde og Lars Selheim har store forventningar til.
Faren er seminoksen Skaaro, ala opp av Bjørg Børve Dvergsdal i Hardanger.
Kva med kalvane frå i fjor, Symra og Aasmund? Aasmund var slakta i mars. Symra er kvikk og rask, høgst levande, og vert med på stølen til sommaren.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
