Når byråkratar teiknar noregskartetFylka våre får nye namn: Nordlys fylke, Vestlandet og Viken, føreslår fylkeskommunane.
Fylka våre får nye namn: Nordlys fylke, Vestlandet og Viken, føreslår fylkeskommunane. – Misfoster og skivebom, seier Tom Schmidt, professor i namnegransking.
Troms og Finnmark Frp føreslår Nordlys fylke som det nye namnet deira. Finnmark fylkeskommune er litt meir nøktern, dei vil ha Troms og Finnmark, den arkiske regionen. I mellomtida dansar nordlyset over Tromsø.
Foto: Jan-Morten Bjørnbakk /NTB scanpix
Fylka i landet skal bli færre, og dei skal få nye namn. Det er ikkje fyrste gong regionane våre blir omorganiserte. Enkelt fortalt: I norrøn tid var Noreg delt inn i fylke, medan landet i mellomalderen var samansett av syssel og len, før eineveldet kom i 1660, og len i sin tur vart bytt ut med amt.
For om lag hundre år sidan, i 1919, kom ein ny runde med endringar, denne gongen initiert av både modernisering og norsk sjølvstende: Amt vart atter fylke. Det interessante er korleis det vart gjennomført jamført med fylkesreformene i dag.
I 1919 var gangen slik: Nynorskmann og professor Marius Hægstad og Riksmålsforeningens formann, professor Hjalmar Falk, laga ei utgreiing for Stortinget. Ho vekte litt murring her og der: Somme ville halde på amt-nemninga, og framlegget om Austfold, som jamvel riksmålsmenn stod bak, vart vraka til fordel for Østfold. Elles gjekk framlegga til fagfolka gjennom utan større vanskar.
Korleis blir det gjort i dag? Kranglinga om Vestlandet som nytt namn på det nye vestlandsfylket kjenner vi alle til. «Vil drøfte navn og innhold i den nye regionen bak lukkede dører», var tittelen på ei sak i NRK om eit møte mellom politikarar og byråkratar om framlegg til namn på eit nytt fylke i Nord-Noreg. Det var så sterke kjensler i sving at pressa ikkje fekk tilgang.
Dag og Tid har sett på prosessen med fylkessamanslåing saman med fagmenn. Professor emeritus i namnegransking og stadnamnekspert Tom Schmidt er ikkje imponert. «Misfoster» og «brot på namnelova», er ord han brukar på prosessen.
På friarferd
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
