Musikk
Kulturhus eller sensurhus, mangfald eller profil
Når ein av Skandinavias mest strøymde artistar vil spela i Sandnes, kan kulturhuset få auka eigeninntening, eit yngre publikum, breidd og mangfald. Men kulturhussjefen nektar han å koma.
Ringnes-Ronny.
Foto: Pressebilde Media Vision
Ein av Skandinavias mest populære artistar i 2020, Ringnes-Ronny, vert nekta å leiga scene i Sandnes kunst- og kulturhus, har fleire aviser meldt denne veka. Manager for artisten, Peder Benjamin Hagen, fortel til Dag og Tid at debutalbumet til Ringnes-Ronny kjem i januar, og at ein no førebur ein turné til hausten. Til Stavanger Aftenblad seier Hagen at artisten hans ser ut til å ha mange tilhengjarar i Sandnes, og at han difor vil halda ein konsert der.
– Me skal lansera ei splitter ny scene til hausten og har trong for å skapa eit heilskapleg program no i oppstarten. Me ynskjer å etablera ein kunstnarleg profil som er annleis enn den Ringnes-Ronny representerer, fortel kulturhussjef i Sandnes, Elisabeth Dahl, til Dag og Tid.
– Vert kunstnaren nekta leige på uviss tid?
– Som alle repertoarvegval vil sannsynlegvis også denne profilen verta endra og vidareutvikla etter kvart som me lærer meir om kva som fungerer, og kva slag opplevingar publikum ynskjer i åra framover. Ein skal dimed ikkje sjå bort frå at det kunstnarlege uttrykket til Ringnes-Ronny kan finna ein plass på ei av scenene våre i ein seinare sesong.
Offentleg finansiert
Ein Ringnes-Ronny-konsert kunne truleg ha bidrege med det som vantar i mange norske kulturhus, mellom anna i Sandnes: eigeninntening og unge publikummarar.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
