Eva Aalberg Undheim

eva@dagogtid.no

Iran fordømer teikningar publiserte i det nyaste nummeret av Charlie Hebdo og har via ei twittermelding frå utanriksminister Hossein Amir-Abdollahian varsla «effektiv respons», ifølgje nettavisa Politico.

Det franske satiremagasinet publiserte onsdag det som er vinnarteikningar frå ein konkurranse magasinet utlyste førre månad der dei oppmoda presseteiknarar om å sende inn dei styggaste og mest morosame karikaturane sine av Ali Khamenei, skriv Politico.

Sjefredaktør Laureent Surisseau i Charlie Hebdo skriv i ein leiarartikkel at karikaturane er publiserte for å syne støtte til iranske kvinner og menn.

– Dette er ein måte å syne støtta vår på til iranske menn og kvinner som risikerer livet for å forsvare fridomen mot teknokratiet som har undertrykt dei sidan 1979, skriv Sourisseau, ifølgje NTB.

Det har vore store protestar mot det iranske regimet sidan september i fjor, etter at 22 år gamle Masha Amini døydde i varetekt i Teheran. Amini hadde vorte gripen av moralpolitiet fordi dei meinte ho hadde på seg hijaben feil.