Frå diktet «Porkkalafela»
Foto: Svein Sturlason
Skogens spellmann, Halteguten,
Ola Porkkala var namnet,
var ein krøpling, sky og fåmælt,
drog seg vekk der folk kom saman.
Alt han elska var ei fele,
og si unge gjente Pulsu.
Alt han drømte var å spelle
slik som ingen hittil kunne.
Det var dyrt å fylgje kallet,
minste pris var heile sjela.
…
Finnskog! Gjennom dine skogar
suser segn om sterke makter.
Eg har hørt dei rare toner
i frå Haltegutens fele.
Eg har levd og lidd med Pulsu,
vesle sterke, trugne kvinne.
Han ga sjela si for dette
som for han var størst i livet.
Sterkere enn helvits skræmsle,
det var hennes elsk og truskap.
Eg vil gi min sang åt alle
som går rakt dit hjarte byd dei,
åt dei få som ikkje kjenner
flate, gylne millomvegar.
Eg vil gi min sang åt alle
som går heile gjennom livet.
Åsta Holth
Skogens spellmann, Halteguten,
Ola Porkkala var namnet,
var ein krøpling, sky og fåmælt,
drog seg vekk der folk kom saman.
Alt han elska var ei fele,
og si unge gjente Pulsu.
Alt han drømte var å spelle
slik som ingen hittil kunne.
Det var dyrt å fylgje kallet,
minste pris var heile sjela.
…
Finnskog! Gjennom dine skogar
suser segn om sterke makter.
Eg har hørt dei rare toner
i frå Haltegutens fele.
Eg har levd og lidd med Pulsu,
vesle sterke, trugne kvinne.
Han ga sjela si for dette
som for han var størst i livet.
Sterkere enn helvits skræmsle,
det var hennes elsk og truskap.
Eg vil gi min sang åt alle
som går rakt dit hjarte byd dei,
åt dei få som ikkje kjenner
flate, gylne millomvegar.
Eg vil gi min sang åt alle
som går heile gjennom livet.
Åsta Holth
Historia om Porkkalafela kjem frå Finnskogene og er skapt av røynd og folketru. Spelemannen Halteguten hadde selt sjela si til Puken for kunne spele fritt og utan like. Då han døydde, var det som om fela heldt fram med å spele, og kona Pulsu ville ha fela ut av syne og sinn og grov henne ned.
«Men så underleg var laga at ho skulle fram i dagen,» skriv Åsta Holth i diktet «Porkkalafela» frå 1946. Etter seksti år vart nemleg fela funnen att i molda, og etter litt restaurering skulle det vise seg at det framleis var liv i henne.
Liv er det òg i diktsamlinga Porkkalafela, som slekter på folkeviser og munnlege forteljetradisjonar. Ho er skriven med eit varmt blikk for dei små menneska og med ei kraft som treffer lesaren enno i dag. Åsta Holth (1904–1999) var frå Grue i Hedmark, ho var lærar, småbrukar, politikar, bunadskapar og forfattar. Ho gav ut 18 bøker, mest romanar og forteljingar, men òg eit par diktsamlingar, og ho var den som skreiv skogfinnane inn i norsk litteratur.
Boka Porkkalafela blei henta opp frå magasinet på biblioteket i samband med at ein trufast låner spurde etter eit anna dikt av Holth: eitt som skulle handle om «rubinane i hagen». Vi fann dessverre ikkje diktet om ripsbæra, som skulle vere skriven for årsmøtet i Norsk Bonde- og Småbrukarlaget ein gong på 1970-talet. Men lånaren, tidlegare politikar og småbrukar Tove Lehre, gav meg i staden ei levande skildring av den glødande engasjerte og motige debattanten og forfattaren Åsta Holth, og korleis ho kan inspirere oss alle – og ikkje minst unge kvinner i politikken – i dag.
PS: Om lesaren av denne spalta veit kva for dikt Tove Lehre leita etter, blir vi takksame for tips.
Cathrine Strøm
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Historia om Porkkalafela kjem frå Finnskogene og er skapt av røynd og folketru. Spelemannen Halteguten hadde selt sjela si til Puken for kunne spele fritt og utan like. Då han døydde, var det som om fela heldt fram med å spele, og kona Pulsu ville ha fela ut av syne og sinn og grov henne ned.
«Men så underleg var laga at ho skulle fram i dagen,» skriv Åsta Holth i diktet «Porkkalafela» frå 1946. Etter seksti år vart nemleg fela funnen att i molda, og etter litt restaurering skulle det vise seg at det framleis var liv i henne.
Liv er det òg i diktsamlinga Porkkalafela, som slekter på folkeviser og munnlege forteljetradisjonar. Ho er skriven med eit varmt blikk for dei små menneska og med ei kraft som treffer lesaren enno i dag. Åsta Holth (1904–1999) var frå Grue i Hedmark, ho var lærar, småbrukar, politikar, bunadskapar og forfattar. Ho gav ut 18 bøker, mest romanar og forteljingar, men òg eit par diktsamlingar, og ho var den som skreiv skogfinnane inn i norsk litteratur.
Boka Porkkalafela blei henta opp frå magasinet på biblioteket i samband med at ein trufast låner spurde etter eit anna dikt av Holth: eitt som skulle handle om «rubinane i hagen». Vi fann dessverre ikkje diktet om ripsbæra, som skulle vere skriven for årsmøtet i Norsk Bonde- og Småbrukarlaget ein gong på 1970-talet. Men lånaren, tidlegare politikar og småbrukar Tove Lehre, gav meg i staden ei levande skildring av den glødande engasjerte og motige debattanten og forfattaren Åsta Holth, og korleis ho kan inspirere oss alle – og ikkje minst unge kvinner i politikken – i dag.
PS: Om lesaren av denne spalta veit kva for dikt Tove Lehre leita etter, blir vi takksame for tips.
Cathrine Strøm
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Lite mat: Det er ikkje mykje mat å spore i 17. mai-biletarkivet til NTB, men Andrea (2) har iallfall fått is. Hurra!
Foto: Per Løchen /NTB
Mat på nasjonaldagen
Kva bør vi ete i dag om vi lèt årstida styre menyen?
Teikning: May Linn Clement
17. mai-pengar
«Mor mi viser meg telefonen og at ho har vipsa Oskar og Tomas. Det er irriterande å sjå på ein mobil som andre held i.»
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.