Feil å velja Dylan
Fleire svenske forfattarar meiner det var feil å gje Nobelprisen i litteratur til Bob Dylan.
Det rår framleis usemje om det var rett å gje Nobelprisen i litteratur til Bob Dylan.
Foto: Chris Pizzello / NTB scanpix
Den svenske avisa Dagens Nyheter har spurd fleire forfattarar om kva dei meiner om tildelinga av prisen til Bob Dylan i fjor.
Per Olav Enquist, som har fått Nordisk råds litteraturpris, meiner det var «eit dårleg val». Heller ikkje den kjende kriminalforfattaren Leif G. W. Persson er begeistra for tildelinga.
Den svenske forfattaren og journalisten Per Svensson meiner at tildelinga kan ha skadd prisen både på lang og kort sikt. Og framfor alt har det skadd Svenska Akademien. Han meiner at valet av Dylan vart til ein farse, og at Akademien oppførte seg som fans som berre ville ta selfies med idolet. Men idolet «orka ikkje» koma til pristildelinga i Stockholm.
Den franske forfattaren Marie Darrieussecq meiner at valet var «katastrofalt». Ho meiner at ein i staden bør løna store forfattarskap, og ikkje berre engelskspråklege forfattarar.
Forfattaren Martina Montelius meiner at valet av Dylan gjorde Nobelprisen i litteratur interessant for andre grupper enn dei som er litteraturinteresserte på førehand.
Ein annan nobelprisvinnar, Herta Müller, seier til Dagens Nyheter at det var heilt i orden at Bob Dylan fekk prisen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
