Litteratur
Ein draum av ein igbo
Chimamanda Ngozi Adichie skreiv om metoo og black lives matter lenge før omgrepa oppstod. På dei tolv åra som har gått sidan ho sist gav ut ein roman, er både ho og USA som forvandla.
Chimamanda Ngozi Adichie gjesta Oslo då Drømmeregnskap blei lansert på norsk 20. august.
Foto: Marita Liabø
Ho er ei stjerne. Prislønt forfattar, anerkjend akademikar og eit stilikon. Det er lett å bli star-struck. Sjølv snublar eg alt før vi handhelser: Eg omtaler Chimamanda Ngozi Adichie som Chiamaka, som er namnet på den eksentriske hovudpersonen i Drømmeregnskap.
Ho overhøyrer det og ler. Eg skuldar på overgangsalderen. Dessutan blir eg nervøs i møte med nigerianarar. Dei er så bryske, seier eg. Når eg hermar etter ein eg nyleg snakka med, ler ho godt.
– Vi nigerianarar ser ikkje på det som uhøfleg å seie ting rett ut eller la vere å smile til folk vi ikkje kjenner. Det er slik vi kommuniserer, seier ho.
– Men også nordmenn er direkte, har eg inntrykk av.
Ho har sett alle skandinaviske krimseriar som finst, hevdar ho.
– Eg føler meg vel her, legg ho til, og så snakkar vi vidare om overgangsalderen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
