Sigrun Okkenhaug
Foto: S. Bjerkan, Levanger, ca. 1915.
Dette diktet er skrive av Sigrun Okkenhaug (1889–1939). Okkenhaug tilhøyrde eit intellektuelt miljø i Levanger, der lærarskule- og folkehøgskulekultur, venstrepolitikk og nynorsk hadde gode kår. Olav Duun kom frå same miljøet. Far til Sigrun Okkenhaug var skulemannen og målmannen Arne Vestrum. Ho sjølv var mor til komponisten Paul Okkenhaug, kjend for musikken til Spelet om Heilag Olav.
Eg har tidlegare omtala diktet «Paulus og kvinna» av Okkenhaug, som viser kvinnesaksengasjementet hennar. I år kom ei samling med etterlatne dikt, Det lagar seg nok – eit tidsbilde. Der finn vi ein tidlegare versjon av «Paulus og kvinna», saman med andre dikt. Somme av dei har vore prenta i nynorsktidsskrift, men dei fleste kjem no på prent for fyrste gong. Her er dikt til gravferder, om naturinntrykk, kjærleik og vonbrot, krig og kristentru.
Eg har valt dette diktet i bolken «Draumar, tankar, lengt». Det er frå 1912, då poeten var 23 år. Det er merkt av rastløyse og skort på sjølvtillit som mange i den aldersgruppa kan kjenne seg att i – kanskje det på Okkenhaugs tid var større hjå bygde- enn hjå byungdom. Men samtidig openberrar diktet eit viljesterkt og målmedvite sinn: «Kvi skulde tvilen i hjarta faa bu,/ naar hugen mot storverk brenn?» Den «brennande hugen» hennar kjem til uttrykk i ei blanding av jambar og daktylosar, saman med ein effektiv repetisjon av «kvi skulde eg». Det er kryssrim i nærast kvar versline, og det er òg med på å skapa den suggestive rytmen. Tematisk kan diktet få oss til å tenkje på dikt av andre bygdekvinner den gongen, som Astrid Langjord. Det kan òg få oss til å tenkje på «Det er den draumen» av Olav H. Hauge, som er ljosare i tonen.
Det lagar seg nok – eit tidsbilde er redigert av Johan og Erling Okkenhaug, begge barneborn av diktaren. Boka er komen ut på forlaget til sistnemnde, Allgrønn Okkenhaug forlag. På nettstaden til Allgrønn finst det meir informasjon og opptak av fine tonesetjingar av Sigruns dikt.
Ronny Spaans
Kvi skulde eg
Kvi skulde eg aldri finna
dei tonar eg har djupt i mitt sinn?
Kvi skulde eg aldri vinna
dit ljoslengten i draum bar meg inn?
Kvi skulde eg sjaa alt det fagre
naar aldri eg kunde dit naa?
Kvi skulde eg lengta so ut imot livet
naar livet eg aldrig kund’ liva faa?
Slik spør eg og spør, men aldrig fær svar,
og suti vert større um senn.
Kvi skulde tvilen i hjarta faa bu,
naar hugen mot storverk brenn?
Eg saag paa dei andre, mot maalet dei traadde,
kva aatte dei alle, men ikkje eg?
Trui dei aatte, di maalet dei naadde,
eg einsam stod att med tvilen i meg.
Og slik maa eg staa i alle dagar
so lenge eg ikkje kan tru.
Eg aldrig naar mot dei solljose hagar
so lenge som tvilen i hjarta fær bu.
Sigrun Okkenhaug
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Dette diktet er skrive av Sigrun Okkenhaug (1889–1939). Okkenhaug tilhøyrde eit intellektuelt miljø i Levanger, der lærarskule- og folkehøgskulekultur, venstrepolitikk og nynorsk hadde gode kår. Olav Duun kom frå same miljøet. Far til Sigrun Okkenhaug var skulemannen og målmannen Arne Vestrum. Ho sjølv var mor til komponisten Paul Okkenhaug, kjend for musikken til Spelet om Heilag Olav.
Eg har tidlegare omtala diktet «Paulus og kvinna» av Okkenhaug, som viser kvinnesaksengasjementet hennar. I år kom ei samling med etterlatne dikt, Det lagar seg nok – eit tidsbilde. Der finn vi ein tidlegare versjon av «Paulus og kvinna», saman med andre dikt. Somme av dei har vore prenta i nynorsktidsskrift, men dei fleste kjem no på prent for fyrste gong. Her er dikt til gravferder, om naturinntrykk, kjærleik og vonbrot, krig og kristentru.
Eg har valt dette diktet i bolken «Draumar, tankar, lengt». Det er frå 1912, då poeten var 23 år. Det er merkt av rastløyse og skort på sjølvtillit som mange i den aldersgruppa kan kjenne seg att i – kanskje det på Okkenhaugs tid var større hjå bygde- enn hjå byungdom. Men samtidig openberrar diktet eit viljesterkt og målmedvite sinn: «Kvi skulde tvilen i hjarta faa bu,/ naar hugen mot storverk brenn?» Den «brennande hugen» hennar kjem til uttrykk i ei blanding av jambar og daktylosar, saman med ein effektiv repetisjon av «kvi skulde eg». Det er kryssrim i nærast kvar versline, og det er òg med på å skapa den suggestive rytmen. Tematisk kan diktet få oss til å tenkje på dikt av andre bygdekvinner den gongen, som Astrid Langjord. Det kan òg få oss til å tenkje på «Det er den draumen» av Olav H. Hauge, som er ljosare i tonen.
Det lagar seg nok – eit tidsbilde er redigert av Johan og Erling Okkenhaug, begge barneborn av diktaren. Boka er komen ut på forlaget til sistnemnde, Allgrønn Okkenhaug forlag. På nettstaden til Allgrønn finst det meir informasjon og opptak av fine tonesetjingar av Sigruns dikt.
Ronny Spaans
Kvi skulde eg
Kvi skulde eg aldri finna
dei tonar eg har djupt i mitt sinn?
Kvi skulde eg aldri vinna
dit ljoslengten i draum bar meg inn?
Kvi skulde eg sjaa alt det fagre
naar aldri eg kunde dit naa?
Kvi skulde eg lengta so ut imot livet
naar livet eg aldrig kund’ liva faa?
Slik spør eg og spør, men aldrig fær svar,
og suti vert større um senn.
Kvi skulde tvilen i hjarta faa bu,
naar hugen mot storverk brenn?
Eg saag paa dei andre, mot maalet dei traadde,
kva aatte dei alle, men ikkje eg?
Trui dei aatte, di maalet dei naadde,
eg einsam stod att med tvilen i meg.
Og slik maa eg staa i alle dagar
so lenge eg ikkje kan tru.
Eg aldrig naar mot dei solljose hagar
so lenge som tvilen i hjarta fær bu.
Sigrun Okkenhaug
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.