Den nye Ferrante?Arv og miljø LitteraturEva Aalberg Undheimeva@dagogtid.noVigdis Hjorths roman skal lanserast i USA og England neste år. Nyleg fekk romanen godord i britiske The Guardian.
Arv og miljø vert omtalt som ein av dei beste europeiske romanane som er på veg ut i den engelskspråklege marknaden.
Vigdis Hjorth fekk bokhandlarprisen 2016 og kritikarprisen 2016 for romanen.
Foto: Berit Roald / NTB scanpix
Vigdis Hjorths roman Arv og miljø skal lanserast i USA og England neste år. Nyleg fekk romanen godord i britiske The Guardian.
Romanen, som på engelsk har tittelen Wills and Testaments, vert omtalt som kritikarrost og kontroversiell, og som ein av dei beste europeiske romanane som er på veg ut i marknaden. Saman med den franske forfattaren Gaël Faye, spanske Fernando Aramburu, tyske Juli Zeh, italienske Paolo Cognetti, kroatiske Daša Drndic og den polske Booker-prisvinnaren Olga Tokarczuk vert Vigids Hjorth nemnd som ei mogleg ny Elena Ferrante – som har selt millionar av bøker verda rundt. Arv og miljø tematiserer incest og forteiing, og romanen sette i gang ein stor debatt om grensa mellom litteratur og røyndom då romanen kom ut i Noreg i 2016. The Guardian omtalar boka som eit kritikarrost, men kontroversielt familiedrama, og skriv at Hjorth, til liks med Karl Ove Knausgård, ofte brukar eige liv som inspirasjon.
– Dette var ein roman folk kunne lese anten som høglitteratur eller som eit hemnarbeid, skriv avisa.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
