Musikk
Arkivet: Rakkarungane
Young Rascals alias Rakkarungane på omslaget til debut-LP-en i 1966 på Atlantic Records.
Våren 1965, då engelske beatgrupper invaderte dei amerikanske hitlistene, blei det soulinspirerte rock’n’rollbandet The Young Rascals danna i New Jersey. Eddie Brigati, songar og perkusjonist, kanadiaren Gene Cornish på gitar og organist og songar Felix Cavalieri hadde øvd inn låter då dei fekk med seg den eksplosive trommeslagaren Dino Danelli.
Unge var dei og brått det heitaste nye i USA. På nattklubben The Barge på Long Island smelta dei saman folkrock, soul og R&B til ei høgare form for dansemusikk. Rykta om dei høgenergiske spelingane nådde Sid Bernstein som var promoter for den første USA-turneen til The Beatles, og The Young Rascals opna for The Fab Four på Shea Stadium i New York 20. august 1965. Den andre singelen deira, «Good Lovin’», bygd på ein svart doowop-låt, men med oppskrudd tempo og arrangert i uimotståeleg «La Bamba»-stil, erobra førsteplassen på Billboard i april 1966. Med tida blei dei til The Rascals, og i 1997 blei dei innlemma i Rock And Roll Hall of Fame.
Introduksjonen til Steve Van Zandt skaffa han truleg rolla i Sopranos, av di serieskaparen David Chase likte humoren hans: «The Rascals lét meir sexy enn sexen eg hadde med kjærasten min på den tida.»
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
