Musikk
Arkivet: Den første gitarhelten i rock’n’roll
Med Rhino-boks i 1993. Året etter i Rock And Roll Hall of Fame.
Duane Eddy var fem år då faren viste han nokre gitarakkordar. På niårsdagen fekk han lap steel-gitar av mora.
I Arizona blei Duane gitarist i eit high school-band og spelte inn ei Chet Atkins-låt til ein lokal radiostasjon.
DJ-en Lee Hazelwood likte teipen og skaffa Duane plass på amatørshow. Deretter blei det plate for 19-åringen, med Hazelwood som produsent.
«Moovin’ and Groovin’» nådde 72. plass på Hot 100 i 1958. Den iøyrefallande gitaropninga blei kopiert av The Beach Boys på «Surfin’ USA» fem år seinare. Melodien på neste Eddy-singel, «Rebel Rouser», minte om Woody Guthrie, og den distinkte fraseringa var påverka av Louis Armstrong. Fram til 1963 fekk han 15 Top 40-plasseringar.
I spelet til Eddy smelta tone, taiming, dynamikk og feeling saman i twanglyden frå dei tjukkaste strengane på gitaren. Bandet sitt kalla han The Rebels, og han var den første gitarhelten i rocken. Bada i Hazelwoods særmerkte twangy ekko heldt han opprøret i rock’n’roll i live i ei tid då rocken vart utvatna.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
