Å vere Lucy Barton – og Idun Losnegård

I juni fyller ho 50 år, og ho går i gang med sin 50. teaterproduksjon, Vi er brødrene Eikemo.

– Det siste året har vore svært produktivt og bra for motivasjonen, seier ho.

Ho har blant anna hatt regi på Ein herre med namnet Parkinson – av, om og med far hennar, forfattar og dramatikar Rolf Losnegård, som nyleg fylte 80 år. Ho har spelt mora i Brørne Løvehjarte og hovudrolla i Martin McDonaghs psykologiske thriller Putemannen. Putemannen er krevjande, ambisiøst teater der ho er på scena i nær to og ein halv time utan pause.

– Då er det fare for at nervane kjem i vegen for konsentrasjonen, vedgår ho.

Ifølge meldaren i Bergens Tidende er det snakk om «skuespill i toppdivisjonen», mykje takka vere «Idun Losnegård som jeg aldri har sett ha en dårlig dag på jobb». Publikum blir «mørbanket følelsesmessig».

Losnegård meiner teater er viktigare enn nokon gong.