Reportasje
¿ Eit besøk hos dei dyraste smakane
Kan eit måltid vere hundre gongar betre enn eit anna?
Segnomspunnen matsal utan vindauge – her vert ingenting overlate til tilfellet: Dagslyset får ikkje forstyrre innelyset.
Lytt til artikkelen:
Her er det berre å hoppe i det, trur eg, og servere poenget med ein gong: I kveld skal kjærasten min og eg bruke 10.000 kroner på å ete middag. Middagen skal vi ete på restauranten Maaemo – den einaste restauranten i Noreg nokosinne som har hatt tre Michelin-stjerner. Dette er såleis ikkje ei kvardagsleg hending eller ein kva som helst slags middag. Men det set tankar i sving: For den summen kan eg få ein rett nok gamal og rusten, men likevel fullt fungerande bil. Eg kan betale renter og avdrag på huslånet mitt i tre månader eller kjøpe poliovaksinar nok til 2304 born via Unicef.
Eit måltid som både gjer meg mett og dekker næringsbehovet, kan eg få for ein tiandepart av prisen på ein fin restaurant, eller for ein hundredel heime på mitt eige kjøkken. Kan eit måltid verkeleg vere så mykje betre enn alle andre?
Norsk på pallen
Likevel: Å skulle ete på Maaemo kjennest stort. Eg har skrive om all mogleg mat frå daglegvarebutikken, skote min eigen mat i skogen, reist land og strand rundt etter sære ostar og hatt badet fullt av tørka sopp – men skal eg få eit heilt bilete av Mat-Noreg, må eg prøve meg på luksusvarianten. På vegen fekk eg med meg Dag og Tid, som synte interesse for dette møtet mellom agronomskribent og fin restaurant.
Og eg har gledd meg i månadsvis. Slik sett er eg temmeleg langt frå ugild – noko eg trur gjeld dei fleste restaurantmeldarar som får sleppe inn dei løyndomsfulle dørene. (Maaemo har ikkje skilt over døra, berre ei lita ringeklokke ein må trykke på for å verte sleppt inn.)
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
