Redd som i livredd
I Dag og Tid 6. august i år fortalde Siri Helle om den første soloseglturen sin: «Ein skikkeleg redd liten eventyrar reiser på sin fyrste solosegltur.» Her fekk eg æra av å opptre i ei lita birolle i eigenskap av ein person ho ser på som «maksimalt modig». Altså i motsetnad til forfattaren sjølv, som etter eiga vurdering berre kvalifiserer til «middels modig».
Å sveve fritt i 50 sekunder er såre enkelt – så lenge du har éin mann på kvar side som held deg stabil. Problemet oppstår først når du er åleine ...
Foto: Tønsberg Fallskjermklubb
Reserveskjermen vert utløyst automatisk dersom ein sjølv ikkje løyser ut hovudskjermen. Litt som kollisjonsputa i bilen. Ho bergar deg, men det er inga god kjensle dersom det er siste skanse. Då har det har hendt noko som ikkje er bra.
Likevel inneber det at det er nesten klin umogleg å døy i ei fallskjermulukke, same kor mislukka hoppet skulle vere. Vissa om denne viktige detaljen spelte likevel ei underordna rolle.
I Noreg får ein ikkje hoppe ut i fallskjerm etter at ein har fylt 70 år, med mindre ein alt har hundrevis av hopp og eit dusin lisensar. Eg var 69 år. Dersom eg nokosinne skulle verte fallskjermhoppar, var altså denne sommaren siste sjanse.
Å hoppe ut i fallskjerm er ikkje viktig, eg veit det. Eg hadde berre lyst til å meistre luftrommet. Eg hadde lyst til å kaste meg ut frå eit fly og sveve gjennom himmelen. Svinge, stupe og leike meg i 200 km/t – og, ikkje minst, ha glede av det.
Ikkje spør meg kvifor. Anten skjønar du det, eller så skjønar du det ikkje. Ei forklaring er anten unødvendig eller til fånyttes. Eg hadde berre lyst til å skydive før eg døyr, hadde eg så nær sagt. Forstå det eller ikkje.
Så eg melde meg på eit fallskjermkurs på Jarlsberg – i løyndom. Til mine næraste sa eg at eg skulle på eit forfattarseminar i Tønsberg. Eg orka ikkje alle kommentarane om alderen min. Somme ville ha blitt imponerte, andre ville ha fnyst av ein patetisk olding som liksom skal vise at han framleis er ung og fryktlaus. Eg hadde ikkje trong for å høyre nokon av delane.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
