Kva fornamn?

5 POENG: Over 5000 norske kvinner heiter dette, alle stavemåtar rekna med. Eit utanlandsk døme er den danske skulptøren som var gift med Carl Nielsen. Eit anna er austerrikske Moser-Pröll, som dominerte alpinsporten i 1970-åra.

4 POENG: Det er eit dobbeltnamn. Ein skodespelar er truleg den mest kjende norske beraren i dag. Me lyt òg nemne motstandskvinna Breien, designaren Ødegaard og jazzmusikaren Giørtz.

3 POENG: Den yngste søstera til Margrethe 2. av Danmark vart gresk dronning. Det første fornamnet er det mest talrike i Noreg.

2 POENG: Skodespelaren er Ottersen, fødd i 1945.

1 POENG: Det andre fornamnet er Marie.

Kva plante?

5 POENG: Kodein og papaverin er to alkaloid som finst naturleg i denne planten. Arten høyrer heime rundt Middelhavet, men vert dyrka mange stader. Det norske namnet er på tolv bokstavar.

4 POENG: Han er ein populær prydplante. Dette er ikkje grunnen til at han var sentral i to krigar (1839–1842 og 1856–1860).

3 POENG: Det første leddet i namnet er den tørke plantesafta som inneheld mange alkaloid, ikkje minst morfin.

2 POENG: Dei små, mørke frøa har dekorert mange loffar og rundstykke.

1 POENG: Det første leddet startar på o, det andre på v.

Kva litterært verk?

5 POENG: Forfattaren av dette verket døydde 43 år gamal. Hovudpersonen er trulova med skreddarsveinen Johan von Ehrenpreis.

4 POENG: Me er i den dansk-norske felleslitteraturen. Stykket er frå 1772 og parodierer fransk tragedie. Hovudpersonen Grete opnar med orda «Du aldrig bliver gift, hvis det i Dag ey skeer!» Men kjærasten er ute av byen, så ho går til eksen Mads.

3 POENG: Dette er hovudverket til Johan Herman Wessel.

2 POENG: Når kjærasten kjem tilbake, vil han gifte seg med Grete, men manglar ein type klesplagg. Desse er med i tittelen.

1 POENG: Kanskje kunne tittelen like godt ha vore Amor uten sokker.

Kva geografisk område?

5 POENG: Dette området går over fleire land. Arealet er 175.000 kvadratkilometer, folketalet seks millionar. Området er på det høgste 318 meter over havet.

4 POENG: Området var del av Sovjetunionen og er skarpt avgrensa. Det høgaste punktet heiter Suur Munamägi.

3 POENG: I dag er presidentane her Alar Karis, Edgars Rinkevics og Gitanas Nauseda.

2 POENG: I nord og vest ligg Austersjøen. I aust og sør ligg Russland, Belarus og Polen. Det engelske namnet på Austersjøen gjev svaret.

1 POENG: Me skal ha samlenamnet på Estland, Latvia og Litauen.

Svar på hinta:

Kva fornamn: Anne Marie

Kva plante: Opiumsvalmue (Opiumsplante er òg godkjent svar. Den første og den andre opiumskrigen enda med høvesvis britisk og britisk-fransk siger. Kina tapte båe.)

Kva litterært verk: Kierlighed uden Strømper (Kjærlighet uten strømper)

Kva geografisk område: Baltikum (eller dei baltiske landa/statane, om du vil)