Kva spel?

5 POENG: Dette spelet vart funne opp i 1971 av ein amerikansk barberar som heitte Merle Robbins. I dag er spelet eigd av selskapet Mattel.

4 POENG: Spelet er barnevenleg. Ein norsk film frå 2004 har same namn og refererer til spelet undervegs.

3 POENG: Det er 108 eller 112 kort i stokken. Eit av dei er «Skift farge og trekk fire».

2 POENG: Når ein legg på eit vanleg kort, må det ha same farge eller valør som det førre. Målet er å gå tom for kort.

1 POENG: Gløym ikkje å seie namnet på spelet når du har eitt kort igjen. Det er spansk og italiensk for «éin».

Kva person?

5 POENG: Då Anne-Karin Jarlsby gifta seg, var brudgommen ikkje elektromontøren Harald Sørensen, heller ikkje kontoristen Erling Fjeld. Personen dreiv folkeopplysing i tiår etter tiår i tett samarbeid med kona.

4 POENG: Telemarkingen var gruppeleiar. Åtte av dei tolv kjernemedlemmene var Andreas Aubert, Viggo Axelssen, Henrik Hop, William Houlder, Martin Olsen, Arthur Pevik, Birger Rasmussen og Tor Stenersen.

3 POENG: Oslogjengen omfatta òg Gregers Gram og Edvard Tallaksen. Desse og Stenersen fall i 1944.

2 POENG: Han er den høgast dekorerte norske borgaren nokosinne.

1 POENG: Harald Sørensen og Erling Fjeld var dekknamn, akkurat som Kjakan og Nr. 24.

Kva land?

5 POENG: Elva som renn lengst i dette landet, heiter Váh. Ho munnar ut i den store grenseelva som landet har i sørvest.

4 POENG: Landet har mykje fjell. Det høgaste punktet er
Gerlachovskyštít i Tatrafjella, 2654 meter over havet. Det lågaste punktet er 94 meter over havet.

3 POENG: Den store grenseelva er Donau, som renn gjennom hovudstaden. Aust i landet ligg den nest største byen, Košice.

2 POENG: I mykje av historia har landet vore del av Det stormähriske riket, Ungarn og sist ein union med Tsjekkia.

1 POENG: Den mest iaugefallande bygningen i hovudstaden er Bratislava slott.

Kva yrkestittel?

5 POENG: I Noreg er det for tida fire personar med denne yrkestittelen. Eit avleidd omgrep gjev namn til ei øygruppe i Papua Ny-Guinea.

4 POENG: To av dei fire nordmennene er Torolf Rein og Haakon Bruun-Hanssen. Ein ruvande skikkelse internasjonalt er kinesiske Zheng He på 1400-talet.

3 POENG: Philip Boardman har ikkje fire stjerner, men nyttar tittelen i artistnamnet sitt. Svaret er òg namn på ein sommarfuglart.

2 POENG: Dei to andre nordmennene er kong Harald og kronprins Haakon.

1 POENG: Det er den høgaste graden i Sjøforsvaret, tilsvarande general i Hæren og Luftforsvaret.

Svar på hinta:

Kva spel: Uno

Kva person: Gunnar Sønsteby (Han og Max Manus var dei to mest kjende i Oslogjengen.)

Kva land: Slovakia

Kva yrkestittel: Admiral (Det var referansar til Admiralitetsøyane og Admiral P.)