Kva daglegvarekjede?

5 POENG: Denne daglegvarekjeda er norsk, vart til i 1997 og omfattar rundt 450 butikkar. Prikken i logoen skil seg ut ved å vere raud.

4 POENG: NorgesGruppen har fem daglegvarekonsept. Frå størst til minst: Kiwi, denne, Spar, Meny og Nærbutikken. Alle har fordelsprogrammet Trumf.

3 POENG: Profilen er nærbutikk, ikkje lågpris og ikkje supermarknad. Mange av dei er Brustad-buer.

2 POENG: Bokstavane i logoen er i hovudsak kvite. Dei er skrivne på ein bakgrunn som er ei gul stripe over ei grøn stripe.

1 POENG: Den raude prikken er del av forbokstaven, ein liten j.

Kva dyr?

5 POENG: Dette dyret kan stå framfor -gjedde, -hai og -størje. Alle tre har utsjånad som minner om dyret. Det vitskaplege namnet er Scomber scombrus.

4 POENG: Dyret er sjølv ein fisk, ein av få som manglar symjeblære. Difor må han røre seg heile tida for ikkje å søkke. Storleiken er sjeldan over 50 cm og 3 kg.

3 POENG: Han er langstrekt. Oversida er blågrøn med mørke tverrstriper. Undersida er sølvkvit. Unge individ vert kalla pir.  

2 POENG: Stimfisken er ein vanleg matfisk, rik på til dømes vitamin D og vitamin B12. Han gjev namn til ei terne og ein skytype.

1 POENG: Servert i tomatsaus er han eit vanleg norsk pålegg.

Kva person?

5 POENG: Denne personen har selskapet LACKTR, der det går i grafikk, lyd, film og fotokunst. 45-åringen er blodfan av Motorpsycho og har skrive bok om bandet. Rogalendingen kjem ikkje frå Troms.

4 POENG: Siddisen er best kjend for skjønnlitteratur, særleg mursteinsromanar. Han slo gjennom med eit brak i 2005. I 2008 fekk han Brageprisen for Darlah – 172 timer på månen. Det er science fiction for ungdom.

3 POENG: Hovudpersonen i gjennombrotsromanen dyrkar ein verkeleg månefarar.

2 POENG: Tittelen er Buzz Aldrin, hvor ble det av deg i alt mylderet?.

1 POENG: Forfattaren har initialane J.H. Etternamnet er òg ein by i Troms.

Fem kallenamn – kva by?

5 POENG: Denne byen har det noko ulne kallenamnet The City that Care Forgot. Ei hending i 2005 skulle halvere folketalet.

4 POENG: Kallenamnet Crescent City viser til at Mississippi tek ei skarp sving her. Byen ligg òg ved ein innsjø, Lake Pontchartrain.

3 POENG: Innbyggjarane er visstnok rolege og ottelause. Det står godt til kallenamnet The Big Easy.

2 POENG: The Birthplace of Jazz er òg kjend for kreolsk mat og karnevalet Mardi Gras.

1 POENG: Byen vert forkorta til NO i kallenamnet NOLA. LA står her for delstaten Louisiana.

Svar på hinta:

Kva daglegvarekjede: Joker

Kva dyr: Makrell

Kva person: Johan Harstad

Kva by: New Orleans (Hendinga i 2005 var orkanen Katrina.)