Kva skala?

5 POENG: Ein person med leveåra 1824–1907 foreslo denne skalaen og gjev namn til han. Eininga i skalaen fekk ny definisjon i 2019, no med utgangspunkt i Boltzmannkonstanten. Redefineringa er teoretisk og har ikkje praktiske konsekvensar.

4 POENG: Personen er den britiske fysikaren William Thomson. Han var baron og vert omtala som lord (…).

3 POENG: Verdien 0 på skalaen er det absolutte nullpunktet.

2 POENG: 1 grad opp på denne skalaen svarar til 1 grad opp på Celsius-skalaen og 1,8 grader opp på Fahrenheit-skalaen.

1 POENG: Det er skalaen til SI-eininga for temperatur, forkorta K.

Kva roman?

5 POENG: Dette er gjennombrotsromanen til ein norsk forfattar. Det er korte og enkle setningar. Til dømes er opningsorda: «Jeg har to venner. En god og en dårlig. Og så har jeg min bror.»

4 POENG: Forfattaren debuterte i 1993. Dette er den andre romanen hans, frå 1996. Hovudpersonen er ein ung mann som slit med overgangen til vaksenlivet. Dei to venene heiter Kim og Kent.

3 POENG: Hovudpersonen nyttar eit Brio bankebrett som terapi. Romantittelen er to adjektiv.

2 POENG: Han kom etter Tatt av kvinnen (1993), men før L (1999).

1 POENG: Forfattaren er Erlend Loe. Dei to adjektiva startar på n og s.

Kva person?

5 POENG: Denne personen har ein far som vart internasjonalt kjend kreftforskar og ein ektefelle som vann Gullrutens heiderspris i 2024.

4 POENG: 59-åringen vart tidleg positiv til kontantstøtte og kritisk til bioteknologi.

3 POENG: Seinare har finanspolitikk vore sentralt. Den mangeårige nestleiaren har representert Akershus på Stortinget sidan 1993, men tek ikkje attval i 2025.

2 POENG: Han var kommunal- og moderniseringsminister då kommunereforma og regionreforma vart vedtekne.

1 POENG: Nokre andre profilerte Høgre-menn i dag er Trond Helleland, Henrik Asheim og Nikolai Astrup.

Kva innsjø?

5 POENG: Denne innsjøen er cirka 27.000 kvadratkilometer stor og 614 meter djup. Dimed er han på topp 10 i verda, både etter areal og djupne. Han har namn etter eit urfolk.

4 POENG: Han er likevel berre fjerde størst av innsjøane som heilt eller delvis ligg i landet. Han er islagd fleire månader i året.

3 POENG: Området er ganske folketomt, men byen Yellowknife husar nokre tusen. Me er ved den sørlege av dei to store innsjøane i Nordvestterritoria.

2 POENG: Den nordlege er Store Bjørnesjø. Båe er heilt innanfor Canada.

1 POENG: Urfolket kallar seg dene tha’. Andre har nytta namn som slavey, slave.

Svar på hinta:

Kva skala: Kelvin-skalaen

Kva roman: Naiv. Super.

Kva person: Jan Tore Sanner (Faren er Tore Sanner og ektefellen er Solveig Barstad. For ordens skuld: Sanner vart vald inn på Stortinget i 1993, men var vararepresentant i fire år før det.)

Kva innsjø: Store Slavesjø