Kva musikal?

5 POENG: Dette er heimlandets første vinnar av Tony-prisen for beste musikal. Han kom først ut som plateinnspeling. Det var i 1976, to år før scenepremieren.

4 POENG: Han er av britane Andrew Lloyd Webber og Tim Rice. Den nyaste norske oppsetjinga går no om dagen på Oslo Nye Teater.

3 POENG: Ein av songane er «On This Night of a Thousand Stars». I tittelrolla har me sett til dømes Elaine Paige (scenepremieren), Madonna (filmen frå 1996) og Mia Gundersen.

2 POENG: To andre viktige roller er Juan Perón og Che.

1 POENG: Heidi Gjermundsen Broch på Det Norske Teatret song «Gråt ikkje meir, Argentina».

Kva selskap?

5 POENG: Dette selskapet går tilbake til eit patent frå 1909 av ein sykkelfabrikant i Tønsberg. Han overlét rettane til Sverre Young, som fekk i gang produksjon i Oslo. Det vart ein internasjonal suksess.

4 POENG: Som med mange andre Oslo-bedrifter vart produksjonen sidan flytta ut, til Nord-Odal i 1970, seinare til Asia. I Noreg kan du få reparasjon i butikk og hos ein omreisande systovebil.

3 POENG: Patentet var ein ny type ryggsekk med beremeis. I dag lagar dei mange typar turutstyr.

2 POENG: Nokre konkurrentar er Devold, Norrøna, Stormberg og svenske Haglöfs og Fjällräven.

1 POENG: Sykkelfabrikanten heitte Ole F. Bergan.

Kva amerikansk president?

5 POENG: Dette er den einaste presidenten frå Missouri. Han la ned veto mot Taft–Hartley-lova, som Kongressen likevel fekk gjennom. Lova gav mindre makt til fagforeiningane.

4 POENG: Han og kona Bess fekk eitt barn, den kjende kulturpersonen Margaret.

3 POENG: Han var med i eitt presidentval og vann mot Thomas E. Dewey. Utanriks lyt me nemne doktrinen hans (mot kommunismen), Marshallplanen, Berlinblokaden, Nato og Koreakrigen.

2 POENG: Demokraten måtte ta avgjerda om atombombene over Japan.

1 POENG: Han sat frå 1945 til 1953, mellom Roosevelt og Eisenhower. Initialen S. står ikkje for noko, på grunn av usemje i familien.

Kva kommune?

5 POENG: Denne kommunen har eit allsidig næringsliv, til dømes Andersens Mek. Verksted og spekematprodusenten Svindland. Blømingstida til garveria er derimot historie. Ein tradisjon er Spira, jonsokbålet ute på fjorden.

4 POENG: Trehusområdet Hollenderbyen minner oss på handelen med Nederland då byen voks fram på 1600-talet. Du kan gå av toget på Sira stasjon og Gyland stasjon.

3 POENG: Det er den vestlegaste kystkommunen i fylket. Sverre Anker Ousdal og Eirik Verås Larsen kjem herifrå.

2 POENG: Dei andre byane i gamle Vest-Agder er Farsund, Lyngdal, Mandal og Kristiansand.

1 POENG: Dei 9000 innbyggjarane vert kalla flekkefjæringar.

Svar på hint for hint:

Kva musikal: Evita

Kva selskap: Bergans (Ryggsekken fekk namnet Bergans Meis.)

Kva amerikansk president: Harry S. Truman

Kva kommune: Flekkefjord kommune