Kva person?

5 POENG: Prinsesse Diana var i den celebre venekrinsen til denne maksimalisten. Han hoppa av arkitektstudiet og starta eige selskap i 1978. Gresk-romersk kunst var ein viktig inspirasjon.

4 POENG: Fødselsåret er 1946. Tre stikkord om stilen er luksuriøs, kontrastfylt og dristig. Godt kjend er ein svart kjole brukt av skodespelaren Elizabeth Hurley.

3 POENG: Både broren Santo og systera Donatella har viktige stillingar i selskapet. I logoen ser me Medusa.

2 POENG: Han er ein av Italias største moteskaparar. Han vart skoten og drepen i Miami Beach i 1997.

1 POENG: Me forkortar vanlegvis fornamnet Giovanni.

Kva stortingsval?

5 POENG: Dette er det andre av dei tre stortingsvala med 155 mandat. Noregs lengstsitjande finansminister sidan 1884 vart representant, etter å ha vore vararepresentant i fire år.

4 POENG: Ap fekk 42,3 prosent. Frp fall ut av Stortinget.

3 POENG: Det var eit særs jamt val, der rundt 50 gløymde SV-stemmer i Nordland avgjorde. Det glapp dimed for Elsa Kobberstad frå Høgre, til fordel for Hanna Kvanmo.

2 POENG: Gro Harlem Brundtland tok til som stortingsrepresentant. Det vart ikkje regjeringsskifte, til forskjell frå det førre og det neste stortingsvalet.

1 POENG: Det neste stortingsvalet var i 1981.

Kva by?

5 POENG: Det finst mange kyrkjer med namnet Aleksander Nevskij-katedralen, deriblant ein i denne byen. Du kan òg vitje Bojana-kyrkja, som er frå mellomalderen. Sistnemnde er ein av ti verdsarvstader i landet.

4 POENG: Byen ligg vest i landet, altså langt frå kysten. Han er ved foten av det over 2000 meter høge fjellmassivet Vitosja.

3 POENG: Elva Iskăr renn gjennom denne hovudstaden, vidare nordover og ut i Donau på grensa til Romania.

2 POENG: Den mest kjende parken, Borisova gradina, har namn etter tsar Boris 3. Kysten er mot Svartehavet.

1 POENG: Byen er oppkalla etter ei kyrkje og har eit kvinnenamn som tyder visdom.

Kva eventyr?

5 POENG: I Samlede eventyr av Asbjørnsen og Moe (1936) er dette eventyret illustrert av Dagfin Werenskiold. Hovudpersonen møter tre troll med høvesvis tre, seks og ni hovud.

4 POENG: Ein blå stut reddar den utsvelta hovudpersonen. Dei rir gjennom skogane der trolla bur, ein koparskog, ein sølvskog og ein gullskog.

3 POENG: Til slutt kjem dei til ein kongsgard. Eventyret deler namn med hovudpersonen, som sjølv er kongsdotter.

2 POENG: Fornamnet er eit av Noregs fem vanlegaste kvinnenamn. Eventyret er ein norsk variant av «Oskepott».

1 POENG: Tilnamnet til Kari viser til det skranglande skjørtet hennar, laga av små trestykke.

Svar på hint for hint:

Kva person: Gianni Versace

Kva stortingsval: Stortingsvalet i 1977 (Finansministeren er Sigbjørn Johnsen.)

Kva by: Sofia (Den sistnemnde kyrkja heiter St. Sofia-kyrkja. Ho ligg midt i byen, side om side med Aleksander Nevskij-katedralen.)

Kva eventyr: «Kari Trestakk»