Kva drikk?

5 POENG: Denne drikken har eit diminutiv som namn. Ei populær legende fortel at skaparen er Marco d’Aviano. Italienaren levde på 1600-talet og hadde yrket som drikken viser til.

4 POENG: Drikken er varm og alkoholfri. Namnet tyder «lita hette», er altså diminutiv av eit italiensk ord for hette. Kanskje vil du ha kakaopulver på toppen?

3 POENG: Ei standardoppskrift er éin del espresso, éin del steama mjølk og éin del mjølkeskum.

2 POENG: Namnet er eitt ord. Det viser til ein streng munkeorden med kapper i same farge som kaffedrikken.

1 POENG: Marco d’Aviano var sjølv ein slik munk, ein kapusinar.

Kva by?

5 POENG: Denne byen vert kalla «rosenes by» og har eigen rosefestival. Ein annan attraksjon er Oliewenhuis Art Museum. Museumsbygningen er ein tidlegare generalguvernørbustad.

4 POENG: Du kan òg vitje Anglo-Boer War Museum, til minne om den andre boarkrigen (1899–1902). Byen er hovudstad og ligg midt i landet, i provinsen Free State.

3 POENG: Det aktuelle landet har ikkje éin, men tre hovudstadar. Me skal fram til den juridiske.

2 POENG: Dei to andre hovudstadane er Pretoria (utøvande) og Cape Town (lovgjevande).

1 POENG: Namnet på «rosenes by» tyder passande nok «blomefontene».

Kva person?

5 POENG: Anders Giæver har skrive bok om denne folkekjære personen, som var ganske sjenert og usikker privat. Personen døydde som 65-åring og held ein rekord på 22 eller 26, alt etter definisjon.

4 POENG: Leveåra er 1901–1966. Personen var fødd i Chicago, Illinois og døydde i Burbank, California.

3 POENG: Rekorden er flest oscarprisar. Han vann 22 i dei vanlege kategoriane og 4 æresprisar. Gjennombrotet kom med Steamboat Willie i 1928.

2 POENG: Namnet hans står øvst på framsida til bladet Donald Duck & Co.

1 POENG: Han er det største namnet i animasjonsfilmens historie.

Kva kunstverk?

5 POENG: Det finst tolv versjonar av dette verket. Kunstnaren nytta meir lyse og glade fargar enn tidlegare. Ein av versjonane vart seld i 2016 for drygt 50 millionar dollar.

4 POENG: Versjonen på Nasjonalmuseet er truleg frå 1901. Også her ser me Kiøsterudgården i bakgrunnen. To andre detaljar er månen og eit stort tre.

3 POENG: Motivet er frå Åsgårdstrand. Det varierer kor mange menneske me ser. Dei er kledde i ulike fargar.

2 POENG: Det er eit av dei mest kjente verka til Edvard Munch.

1 POENG: Menneska er jenter. Ofte ser me dei ved rekkverket til venstre.

Svar:

Kva drikk: Cappuccino

Kva by: Bloemfontein

Kva person: Walt Disney

Kva kunstverk: «Pikene på broen»