Då løysingsforfattaren denne veka vart tildelt Nobelprisen i litteratur i 2009, var ein sentral del av grunngjevinga at Herta Müller skriv i eit språk som teiknar landskapet til heimløysa. Her i bokstova veit me om mange ting me kunne kjekle om før me gjekk laus på denne skildringa.
Då Herta heldt hovudforedraget på Norsk Litteraturfestival – Sigrid Undset-dagene i 2007, tok ho blant anna føre seg uttrykket «snøen som fall i fjor». Her raljerte ho med talemåten og hevda at uttrykket hadde dårleg sjølvtillit, når det briska seg slik og tedde seg så arrogant. Snøen som fall i fjor, var nemleg viktig i fjor, meinte Müller, som tydelegvis var lei av nedsnakkinga av han.
Om du, vyrde lesar, ikkje har tenkt så nøye over dette med fjorårets snø, kan du jo gjere det no. Eller du kan late det liggje.
Nina Korbu skriv: «I denne ukas oppgave skal vi til den rumensk-tyske forfatteren og nobelprisvinneren i litteratur fra 2009, Herta Müller. Boka sitatet er hentet fra, er romanen Hjertedyr fra 1994. Og det var Winston Churchill som var nobelprisvinneren som skrev på engelsk i 1953, det året Herta Müller ble født. Jeg rotet litt før jeg kom fram til Herta Müller, for jeg fant flere nobelprisforfattere som var født i år hvor det var nobelprisvinnere som skrev på engelsk. Og først så jeg bare tittelen Angekommen wie nicht da fra 1994, og denne boka er vel ennå ikke oversatt til norsk. Så oppdaget jeg at Herta Müller hadde utgitt to bøker i 1994, og den andre boka var Hjertedyr – som det viste seg at vi hadde stående i bokhylla. Men jeg må tilstå at jeg ikke har lest den ennå. Jeg fikk den av en venninne for noen år siden etter at hun hadde gitt den opp. Ettersom Hjertedyr nå har vært ukas oppgave i Klok på bok, må jeg nok vurdere å sette den opp på leselisten igjen. Leting i boka etter bifiguren med bart, hatt og katt har inspirert til det, og letingen ledet meg til herr Feyerabend.»
Jan Petter Skrede skriv: «Hei, det vart litt strev denne gongen. Etter litt leiting blant nobelprisvinnarar fann eg fram til forfattaren Herta Müller og boktittelen Hjertedyr. Men så var det detaljspørsmålet, då! Det er som kjent i detaljane djevelen ligg på lur! Eg fekk etter ei tid mistanke til ein mann med det merkelege namnet Feyerabend, men berre som ein slags intuisjon, ikkje bevis, for eg såg korkje bart, hatt eller katt! Men omsider, etter å ha kasta vekk mykje verdifull tid, hadde den gode Feyerabend endeleg fått på seg hatten – og der kom sanneleg katten hoppande! Men barten, då? Hadde Feyerabend bart? Meir leiting, men ingen bart innan synsvidde! Men ein gong tek tålmodet slutt; nok er nok, tenkte eg, eg gir blaffen i heile barten!»
Laurits Killingbergtrø skriv: «Takk for ny bokgåte, Medikus, med greie tips som etter kvart førte meg til boka Hjertedyr av den rumensk-tyske forfattaren Herta Müller. Boka er open for å lesast på nettet, og gjett om eg nytta meg av det tilbodet! Eg rålas ho. (Oi, kanskje eg her laga eit hapax legomenon?)»
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
