Kommentar

Krig med personsøkjarar i folkerettsleg gråsone

Kvelden før personsøkjaråtaket endra Israels krigskabinett målsetjingane med krigen i nord. Ei eskalering låg derfor i kjømda.

Gravfølgjet for Mohammad Mahdi Ammar og Abbas Fadel Yassin, båe drepne av eksploderande personsøkjarar i Beirut. Ammar er son til ein framståande medlem av Hizbollah-rørsla.
Gravfølgjet for Mohammad Mahdi Ammar og Abbas Fadel Yassin, båe drepne av eksploderande personsøkjarar i Beirut. Ammar er son til ein framståande medlem av Hizbollah-rørsla.Gravfølgjet for Mohammad Mahdi Ammar og Abbas Fadel Yassin, båe drepne av eksploderande personsøkjarar i Beirut. Ammar er son til ein framståande medlem av Hizbollah-rørsla.
Publisert

Eit kraftig åtak skaka hjartet av den libanesiske militante organisasjonen Hizbollah tysdag 17. september. Personsøkjarar som Hizbollah nyleg hadde skaffa, eksploderte samstundes. Åtaket råka hjartet av kommandostrukturen til Hizbollah, som nytta personsøkjarane for å sleppe unna etterretningsinnsamlingsmetodane til Israel og allierte.

Både mobiltelefoni og annan digital informasjon er eksponert for svært avansert etterretningsavlytting. Personsøkjarar er «steinalderteknologi» frå 1990-åra som derimot går under radaren. Hizbollah nytta personsøkjarane for å sørgje for kommunikasjon utan geolokalisering, fordi det lett resulterer i åtak frå israelske dronar eller missil. Personsøkjaråtaket øydela derfor truleg sentrale delar av det militære kommunikasjonssystemet til Hizbollah.

3000 minibomber

Like under 3000 personsøkjarar skal ha motteke beskjedar som har utløyst eksplosjonar. Taiwan-produserte Gold Appollo-personsøkjarar kan ha vore fylte med små mengder eksplosiv, som vart utløyste av ei spesiell melding som vart send rundt til alle telefonane samstundes. Kvar personsøkjar vart då gjord om til ei berbar og skjult fjernstyrt bombe (ei slags improvisert antipersonellmine). Ei anna løysing er at personsøkjarane var utstyrte med malware, og at ei melding gjorde at dei vart så varme at dei eksploderte. Om dette siste var tilfellet, vil åtaket kunne klassifiserast som eit cyberåtak.

Minst elleve er drepne, inkludert ei lita jente, og fleire tusen skal vere skadde. Tilstanden til rundt 200 skal vere kritisk. Hovudvekta av eksplosjonane skjedde i kjerneområdet til Hizbollah i Sør-Libanon, bydelen Dahiyeh i Beirut og i Bekaadalen. Det er uvisst kor mange sivile som er råka, men både helsepersonell og iranske diplomatar skal ha vore utstyrte med Hizbollah-personsøkjarar.

Informasjonsministeren i Libanon, Ziad Makary, har knytt åtaket til Israel. Staten Israel og den libanesiske ikkje-statlege militære organisasjonen Hizbollah har vore i væpna konflikt sidan 8. oktober 2023, då Hizbollah-fraksjonar gjekk til åtak på Israel. Dette er hovudkonflikten på Israels «nordre front» etter 7. oktober.

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.


Eller kjøp eit anna abonnement