Skulepolitikarar ventar seg endringar
– Det rimar dårleg med djuplæring, forståing og danningsoppdrag å fjerne viktige hendingar og tema frå læreplanane, seier Roy Steffensen (Frp), leiar for utdanningskomiteen på Stortinget.
eva@dagogtid.no
Stortinget har vedteke føringane for fornyinga av læreplanane i norsk skule som no går føre seg. Skulepolitikarar frå både Ap og Frp meiner dei førebelse skissene til nye læreplanar i samfunnsfag, historie, geografi og samfunnskunnskap ser ut til å gå for langt.
Roy Steffensen i Frp leiar utdannings- og forskingskomiteen på Stortinget. Han syner til at regjeringa i stortingsmeldinga om fornyinga eksplisitt skreiv at føremålet med å fornye faga var «å gi elevene mer dybdelæring og bedre forståelse. I tillegg vil den gi skolens brede dannelsesoppdrag en tydeligere plass i skolehverdagen».
– Eg meiner personleg det rimar dårleg med djuplæring, forståing og danningsoppdrag å fjerne viktige, konkrete hendingar og tema, seier han.
Sentrale tema
Steffensen syner til at skulen skal vere både ein dannings- og ein læringsarena.
– Dei viktigaste hendingane som har forma samfunnet gjennom hundreåra, må alle lære om. Det meiner eg er spesielt viktig i dag, for å unngå at ekstreme politiske og religiøse krefter riv ned dei tradisjonane og verdiane samfunnet vårt byggjer på.
Slik han ser det, representerer årstala 1030, 1537, 1814, 1905 og 1940–1945 milepålar som alle må få med seg for å forstå både fortida og notida.
– Utan ei felles referanseramme er det vanskeleg å forstå samfunnet, og ein kan miste viktige verdiar av syne. Eg trur òg at lærarane vil setje pris på å ha nokre knaggar og ein viss kronologi når dei set saman undervisningsopplegga.
– For overordna
Stortinget er ikkje del av det vidare arbeidet med læreplanane, men Steffensen seier han vil følgje med på læreplanarbeidet. Han reknar med at Utdanningsdirektoratet tek omsyn til dei mange høyringssvara som har kome inn.
Det same gjer Torstein Tvedt Solberg, som sit i utdanningskomiteen for Ap.
– Eg trur debatten som no går og omfanget av høyringsinnspela som har kome inn, gjer at vi nesten kan leggje til grunn at det vert endringar, seier han.
– Målet med dei nye læreplanane var å ha færre og meir overordna mål og meir fridom i undervisninga, men vi må passe på at pendelen ikkje svingar for mykje andre vegen, slik at måla vert for generelle og utydelege. Det som ligg på bordet no, er for overordna og lite konkret, seier han.
Statssekretær Rikke Høistad
Sjøberg (H) i Kunnskapsdepartementet seier det ikkje er naturleg for departementet å kommentere skissene til nye læreplanar no. Både Utdanningsdirektoratet og læreplangruppene som har laga skissene, skal jobbe vidare med desse før dei kjem til departementet til handsaming og deretter skal ut på ordinær høyring.
– Skulen har ei viktig rolle som felles arena som gjev retning for viktige felles verdiar, normer og referanserammer. Vi er spende på korleis læreplangruppene har løyst dette, og ser fram til å få dei gjennomarbeidde utkasta til læreplan på nyåret, seier Sjøberg.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
eva@dagogtid.no
Stortinget har vedteke føringane for fornyinga av læreplanane i norsk skule som no går føre seg. Skulepolitikarar frå både Ap og Frp meiner dei førebelse skissene til nye læreplanar i samfunnsfag, historie, geografi og samfunnskunnskap ser ut til å gå for langt.
Roy Steffensen i Frp leiar utdannings- og forskingskomiteen på Stortinget. Han syner til at regjeringa i stortingsmeldinga om fornyinga eksplisitt skreiv at føremålet med å fornye faga var «å gi elevene mer dybdelæring og bedre forståelse. I tillegg vil den gi skolens brede dannelsesoppdrag en tydeligere plass i skolehverdagen».
– Eg meiner personleg det rimar dårleg med djuplæring, forståing og danningsoppdrag å fjerne viktige, konkrete hendingar og tema, seier han.
Sentrale tema
Steffensen syner til at skulen skal vere både ein dannings- og ein læringsarena.
– Dei viktigaste hendingane som har forma samfunnet gjennom hundreåra, må alle lære om. Det meiner eg er spesielt viktig i dag, for å unngå at ekstreme politiske og religiøse krefter riv ned dei tradisjonane og verdiane samfunnet vårt byggjer på.
Slik han ser det, representerer årstala 1030, 1537, 1814, 1905 og 1940–1945 milepålar som alle må få med seg for å forstå både fortida og notida.
– Utan ei felles referanseramme er det vanskeleg å forstå samfunnet, og ein kan miste viktige verdiar av syne. Eg trur òg at lærarane vil setje pris på å ha nokre knaggar og ein viss kronologi når dei set saman undervisningsopplegga.
– For overordna
Stortinget er ikkje del av det vidare arbeidet med læreplanane, men Steffensen seier han vil følgje med på læreplanarbeidet. Han reknar med at Utdanningsdirektoratet tek omsyn til dei mange høyringssvara som har kome inn.
Det same gjer Torstein Tvedt Solberg, som sit i utdanningskomiteen for Ap.
– Eg trur debatten som no går og omfanget av høyringsinnspela som har kome inn, gjer at vi nesten kan leggje til grunn at det vert endringar, seier han.
– Målet med dei nye læreplanane var å ha færre og meir overordna mål og meir fridom i undervisninga, men vi må passe på at pendelen ikkje svingar for mykje andre vegen, slik at måla vert for generelle og utydelege. Det som ligg på bordet no, er for overordna og lite konkret, seier han.
Statssekretær Rikke Høistad
Sjøberg (H) i Kunnskapsdepartementet seier det ikkje er naturleg for departementet å kommentere skissene til nye læreplanar no. Både Utdanningsdirektoratet og læreplangruppene som har laga skissene, skal jobbe vidare med desse før dei kjem til departementet til handsaming og deretter skal ut på ordinær høyring.
– Skulen har ei viktig rolle som felles arena som gjev retning for viktige felles verdiar, normer og referanserammer. Vi er spende på korleis læreplangruppene har løyst dette, og ser fram til å få dei gjennomarbeidde utkasta til læreplan på nyåret, seier Sjøberg.
– Dei viktigaste hendingane som har forma samfunnet gjennom hundreåra, må alle lære om.
Roy Steffensen (Frp), leiar av utdanningskomiteen
Fleire artiklar
Eirik Holmøyvik har trekt seg trekt seg som forskingsleiar ved Det juridiske fakultet i Bergen.
Foto: Kim E. Andreassen / UiB
Israel-boikott splittar akademia
Jussprofessor Eirik Holmøyvik prøvde å få omgjort vedtaket om Israel-boikott ved Det juridiske fakultetet i Bergen, men vart røysta ned. No har han trekt seg som forskingsleiar ved fakultetet.
Foto: Terje Pedersen / NTB
FHI svikter sitt samfunnsoppdrag
«Det er svært viktig at FHI er tydelig overfor publikum på at de ikke jobber med årsaken til long covid.»
Foto: Universitetet i Bergen
Nord-Noreg ord for ord
Bak Nordnorsk ordbok ligg livsverket til ein stor kvinneleg språkforskar frå Lofoten. Ho kjempa seg forbi mange hinder, men møtte alltid nye og fekk aldri anerkjenninga ho fortente.
Emilie Enger Mehl avbilda på veg til pressetreff på Grøndland for å presentere Revidert nasjonalbudsjett, 14.05.2024. I budsjettet vert det mellom anna satt av penger til å reversere domstolsreforma. Foto: Javad Parsa / NTB.
Javad Parsa
– Uforståeleg domstolsendring
Sorenskrivar Kirsti Høegh Bjørneset er kritisk til at regjeringa vil reversere domstolsreforma.
Anne Kalvig er religionsvitar og tidlegare professor ved Universitetet i Stavanger. I fjor etablerte ho Medvit forlag.
Foto: Anja Bakken
Tru og tvil
Vi må framleis snakke om kvinner og menn. Men kan vi ikkje samstundes ta rimeleg omsyn til dei andre?