Samfunn
Meir læring, færre fag
Skuleforskar Elise Farstad Djupedal har funne ut at skuleløpet har auka tilsvarande to skuleår sidan 1990. No vil kunnskapsministeren kutte i timetalet.
Elevar lærer å lese og skrive ved ein barneskule i Trondheim. Dette vil kunnskapsministeren no prioritere over andre fag, slik som engelsk, samfunnsfag og religion.
Foto: Gorm Kallestad / NTB
Timetalet i småskulen er for høgt. Det meiner i alle fall kunnskapsminister Kari Nessa Nordtun (Ap), som sist veke føreslo å kutte ut engelsk, samfunnsfag og religion (KRLE) frå dei tre første skuleåra. I staden vil ho legge vekt på skriving, rekning og lesing. Ein av dei som har forska på timetal, er Elise Farstad Djupedal, som disputerte for doktorgrad ved Noregs teknisk-naturvitskaplege universitet (NTNU) same dag som Nordtun kom med utspelet i Aftenposten.
– Du har funne ut at timetalet i skulen har auka like mykje som to skuleår sidan 1990. Kvifor gjekk det slik?
– I doktorgraden siterer eg ei offentleg utgreiing frå 1988 der forfattarane peikte på at «utfordringen for norsk kunnskapspolitikk er at landet ikke får nok kompetanse ut av befolkningens talent». Det førte til ei storstilt satsing på korleis ein kunne få småbarn til å lære meir. Frå 1990 til 2008 auka timetalet i skulen like mykje som to skuleår. Noko under halvparten av dette kom då seksårsreforma la til eit ekstra skuleår i 1997. Resten av timane blei lagde til utan debatt og diskusjon. Dei blei ikkje jamt fordelte, men gjekk i stor grad til å auke undervisningstida i norsk og matematikk.
– Men var ikkje auken naudsynt, dersom vi samanliknar den norske skulen med nabolanda våre? Noreg hadde lågare timetal totalt enn nabolanda, og etter tusenårsskiftet argumenterte mange for at dette var ei årsak til at Noreg hadde dårlege resultat i Pisa-undersøkingane?
– Det er rett at dårlege Pisa-resultat blei nytta for å grunngi auken i timetal etter tusenårsskiftet. Politikarane samanlikna oss med andre land og hadde stor tru på at fleire timar ville gi målbart betre læring. Men dei fekk ikkje det resultatet dei hadde håpa på: Skuleresultata skaut ikkje i vêret. Lenge blei det gjentatt og gjentatt at Noreg har lågt timetal, og det står stadig slik i offentlege dokument. Men det er ikkje lenger sant: I 2010 slo Utdanningsdirektoratet fast at det ikkje lenger var grunnlag for å hevde at Noreg har eit lågt timetal. Tvert imot er vi på høgde med andre land.
– Kari Nessa Nordtun vil kutte timetalet i småskulen, Høgre gjekk til val på å auke det. Onsdag gjekk nestleiar Henrik Asheim tilbake på denne lovnaden. Kva meiner du er den rette medisinen?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
