UTANRIKS
Grønland etter sjokket
Tida er inne for at Danmark, Norden og EU investerer i Grønland, seier folketingsrepresentant Aaja Chemnitz.
Den grønlandske folketingsrepresentanten Aaja Chemnitz har stått sentralt i å handtere den utanrikspolitiske krisa USAs president Donald Trump har sett Grønland og Danmark i.
Foto: Christiane Jordheim Larsen
– Hadde du spurt meg for eitt år sidan om Grønland var nærmare sjølvstende, ville eg sagt ja, vi er på veg. I dag vil eg seie at vi har teke eit skritt eller to tilbake, seier Aaja Chemnitz.
Eg møter den erfarne grønlandske politikaren på Kaffistova i Oslo sentrum, etter at ho har møtt Nordisk råd-representantar på Stortinget, og før ho skal vidare til eit seminar om Grønland på Lysebu, i regi av Fondet for norsk-dansk samarbeid.
Få kjenner den utanrikspolitiske krisa i Danmark og Grønland – og handteringa av henne – betre enn Chemnitz. Sidan 2015 har ho møtt som éin av to grønlandske representantar i det danske Folketinget. Der sit ho mellom anna i den utanrikspolitiske nemnda, som gjev råd til den danske regjeringa i utanrikssaker.
Det første sjokket over Trumps grønlandsambisjonar har lagt seg. Men presset på Danmark og Grønland er der framleis. Fleire avsløringar i danske og grønlandske medium viser at Trump-regjeringa ikkje har gløymt Grønland.
Vekslande signal
Den siste avsløringa i rekkja vart presentert i Politiken 22. november. På bakgrunn av samtalar med kjelder i Washington, Nuuk og København skriv avisa at USA fleire gonger denne hausten har prøvd å få til møte på høgt politisk nivå med Grønland – utan at Danmark er med.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
