Energi
Vil fanga havvind med ein vegg av turbinar
Kven har sagt at vindturbinar til havs må vera gigantiske utgåver av turbinar på land? Noko heilt nytt kan vera i emning i havet vest for Bergen.
Slik meiner Wind Catching Systems at vindveggen deira vil ta seg ut når han er ankra opp utanfor Øygarden i Vestland. Med lovnad om 1,2 milliardar kroner i støtte frå staten vil dei i første omgang byggja ein av desse.
Alle llustrasjonar: Windcatching Systems
Vinden er ein evig ressurs, og havet er stort. Selskapet Wind Catching Systems planlegg for eit flytande kraftverk som fangar litt av denne havvinden og gjer han til elektrisk kraft. Dersom dette vindkraftverket blir bygd, vil det bli ulikt alt vi har sett av slaget så langt.
Det skal liggja rundt 20 kilometer rett vest for Øygarden i Vestland. Målet er å få turbinane i gang i løpet av 2029.
– Vi byrja å jobba med dette i 2017. Ting tek tid, seier gründer og administrerande direktør Ole Heggheim.
Sjølv om han er utolmodig, har selskapet i løpet av desse ni åra fått på plass konkrete planar om eit flytande kraftverk i havet: vindfangarar: Kvar av dei skal raga 200 meter over havflata og strekkja seg 192 meter i breidda.
Fleire pengesterke investorar med tru på teknologien er komne med på laget. Og staten har lova 1,2 milliardar kroner i stønad gjennom Enova.
Men det er framleis langt fram før vi veit om prosjektet er liv laga. Først må Noregs vassdrags- og energidirektorat (NVE) gje løyve til å ankra kraftverket opp der selskapet ønskjer. Så må eigarar og investorar gje tommelen opp. Den endelege investeringsavgjerda er planlagd i 2027. Dei statlege pengane kjem heller ikkje før dei private er på plass.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
