Retorikk
Syn for segn
Nokre gonger er ikkje ord nok. Då må ein ty til gulrot, steintavler, mjølkekartong – eller spade.
Takka vere denne spaden, fekk venstrepolitikaren Abid Raja eit stort oppslag i VG.
Foto: Helge Mikalsen / VG
– Altså, det starta med eit innsal til VG, fortel Abid Raja på telefon.
Det var i førre veke stortingspolitikaren frå Venstre hadde ein bodskap han gjerne ville ha fram, og ringde VG. Venstre har vore framstilt som den verste fienden til fagrørsla, men no ville Abid Raja innynde seg med dei der borte på Youngstorget. Han ville gravleggje stridsøksa, som han sa. No hugsar han ikkje heilt korleis samtala utvikla seg, for han måtte snakke med fleire VG-journalistar. Spørsmålet var: Korleis skulle avisa illustrere denne saka?
– Det vart mange ledd, men poenget var å gravleggje stridsøksa, og då var det ein eller annan som foreslo at eg skulle ta med meg ei øks.
– Ei øks?
– Ja, men for det fyrste har eg ikkje øks, og for det andre: Å gå gjennom Oslo sentrum med øks i handa, det vart for vilt. Det er litt psyko.
– Ein får jo nokre assosiasjonar?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
