Sideblikk
Vinterhogg mot eit skadeskote Ap
Eit makkverk av vanskapte fylkeskommunar kan bli erstatta med meir statsforvaltning.
Kjetil Jansrud frå Vinstra i Viken køyrer i helga sitt siste utforrenn i Kvitfjell. Her er han i Wintherhogget, som har fått namn etter tidlegare ordførar Erik S. Winther i Ringebu i gamle Oppland.
Foto: Gabriele Facciotti / AP / NTB
I Arbeidarpartiet har dei vore gode på sjølvskading – i personal-, energi- og sentraliseringspolitikk. Men denne vinteren har partiet sett personleg rekord: Tajik, ulven, straummarknaden, fylkesinndelinga.
DÅ SENTERPARTIET sopa med seg misnøye i distrikta, kasta Arbeidarpartiet seg på vogna. Paradoksalt nok for eit parti som har hatt som kjennemerke å slå saman smått og stort til større, lova Støre reversering av Solberg-regjeringas «meir robuste» fylke. Dei gav seg ut på tynn is ved Hurdalssjøen.
Då makkverket skulle gjerast om, synte det seg at alternativet er utan berekraft. Fylkeskommunane fekk ikkje fleire oppgåver av å bli større, og dei kjem neppe til å få fleire av å bli mindre. Heile veven kan rakna når tunge kommunar krev rett til å velja kva for fylke dei vil høyra til.
PRISLAPPEN ER BLITT eit tungt argument mot oppløysing. Vertinna innser at det vil kosta, men meiner at når det er brukt hundrevis av millionar på feil politikk, vil det vera ein endå større feil å la vera å bruka pengar på å retta opp att feila frå i går.
Og kor dyrt er det å dela opp att fylka når ein samanliknar: ein tidel av den skrota «Helge Ingstad», ein firedel av ekstra IT-utgifter i Forsvaret, det same som prisauken på kvart av dei 54 F-35-flya, halvparten av overgangssummen for Erling Braut Haaland. Men rett nok mange gonger så dyrt som å frakta Taliban til Soria Moria.
HØGRE HAR VUNNE desse turbulente ekstrarundane. Deira alternativ er ikkje blitt mindre sannsynleg: nedlegging av fylkeskommunen og berre stat og større kommunar som folkestyrte og administrative nivå, mens fylka lever vidare som valdistrikt og ansvarsområde for statsforvaltarane.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
