Sideblikk
Det klimaindustrielle komplekset
Det er gode tider for spekulantar og PR-folk med ekspertise i å grønsminka prospekt.
József Váradi er administrerande direktør for Wizz Air, som seier at dei er det grønaste flyselskapet i Noreg.
Foto: Bernadett Szabo / Reuters / NTB
Grøn er ein naturleg farge, midt mellom raudt og blått i regnbogen. Men han er også ein sekundærfarge når ein blandar gult og blått. Om ein blandar raudt, blått og grønt lys, blir det kvitt.
Fargeblinde har store problem med grønt, men også for andre er fargen ustabil og fleirtydig. Grønt er spirande vår, optimisme og helsesam natur, men også sjukleg og giftig. Håpet er lysegrønt, men ein kan bli grøn av kvalme og misunning.
Målingsbutikken Fargerike kåra grønt som årets farge i 2019. Det blir nok fast førsteplass i mange år framover, for grønt er ein trulaus farge som kan brukast til så mangt. Stadig fleire grønmålar omdømmet og viftar med grøne «bekvemmelighetsflagg», både ihuga grønskollingar, hardbarka profitørar og politiske entreprenørar.
KLIMAAKTIVISTAR, lobbyfirma og framsynte kapitalistar er i ferd med å danna eit moralsk og klimaindustrielt kompleks. Og staten er attåt med grøne sertifikat, subsidiar, risikokapital og nysnø. SV vil ha meir av slikt, som eit skifte til grøn og statsstyrt kapitalisme.
Politiske parti konkurrerer om å vera best og mest realistiske i den grøne tsunamien, nokre fundamentalistiske og andre etterpåmelde. Striden går tvers gjennom fleire av dei: mellom truga oljearbeidarar og klimatruande ungdom i Arbeidarpartiet, mellom mosegrodde naturvernarar og vindturbinentusiastar i MDG og SV, mellom den olja Ola Borten Moe og dei i Senterpartiet som ønsker seg grøn firkløver nær folk.
STATEN HAR meldt seg på som juridisk væpnar for investorar i kampen for vindmøller og mot samar på Fosen. Med hokuspokus-
argument kjempar regjeringas advokat mot eit parlamentarisk arbeidsuhell som la for mykje i Grunnlovas fromme ønske om god jul og godt miljø for etterslektene.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
