Sentrum er ikkje lenger i midtenDet går på tomgang i , der dei rører rundt i verdilaus ordvelling. ANDREAS HOMPLAND

Sentrum er eit rørleg politisk mål. Der er det i ferd med å bli like folketomt, oppløyst og daudt som sentrum i ein norsk småby eller bygdeby etter at meieriet blei lagt ned, nyskulen bygd ved riksvegen, butikkane flytta ut til kjøpesentra i sentrumsperiferien og bensinstasjonen og andre samlingsstader flytta etter. Tilbake i sentrum er det småbutikkar for spesielt interesserte, ned-slitne bedehus og folkets hus og rotlaus ungdom på vandring i bil, medan folk flest heng ved gjerda og ikkje heilt veit kvar dei skal gjera av seg.

Politiske tenkarar har prøvd å meisla ut ein politisk sentrumsideologi som skil seg klart frå det raude og det blå. Men i praktisk dagspolitikk er det meir dekkande å tala om mellomparti i ein flytande posisjon midt mellom. Når høgre og venstre graviterer mot sentrum, blir det lite spelerom att i midten.

BYRÅSJEFEN er godt orientert om forviklingane i sentrum og vil gjerne rydda opp. Han har lese seg opp på den komplekse historia, men har også ei halvgløymd fortid i ungdomspolitikken. Kvar han stod, har han vakta som ein statsløyndom etter at han melde seg inn i forvaltninga.

Han trugar i tillegg med å ta på seg å rydda opp i kvar norske sentrumsparti står i høve til søsken og brør i grannelanda. Det er eit fortenestefullt prosjekt, men han får venta til eit passande høve – til dømes om det skulle bli nyval i Sverige når lauvet har falle frå greinene. Eller når Kristeleg Folkeparti skal halda domedag over seg sjølv den andre november, to dagar etter allehelgensdag.

VERTINNA har alltid hatt sin heim i sentrum, men sentrum er blitt annleis og har flytta seg så mykje at ho ikkje veit kvar det er blitt av. Ho vil i alle fall ikkje bu att der saman med berre innflytta sosialistar og kristenfolk og lesarar, sjølv om ho ikkje har noko mot bondevikingar som gode grannar.

Politisk er ho komen i villreie, for alle parti beitar på den same allmenningen, og det er ein tragedie, så ho græt med det eina auga og flirer med det andre.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare