Eg håpar dei i alle fall trudde på det sjølv, den raudgrøne regjeringa som kom med forslaget: at DAB-radioen skulle vere meir lønsam og meir effektiv, og at han kom til å mangedoble kanalkapasiteten og gje større mangfald for lyttarane.
Berre Frp sa nei i Stortinget. Alle dei andre sa ja til at Noreg skulle satse på det ingen andre land hadde prøvd før.
Som eit resultat har vi sete i heimen vestpå i sommar utan FM-nett, men med to nye DAB-radioar som tek inn lyd berre tidvis. NRK Alltid Nyheter har kome sporadisk, EKKO har sendt halve setningar og NRK Urørt er uhøyrt.
Bror min, som er bonde, skaffa seg nytt hørselsvern med DAB-mottak. Han gjekk for øyreklokkene som skulle vere best, sjølv om prisen på dei svara til slakteinntektene for meir enn tre lam. Han ønskte å kunne høyre radio heile dagen no som før. Det kan han også, med mindre han går inn i fjøset, der betongen er ein for tjukk bøyg for dei digitale signala.
Sjølv er eg blant dei som ikkje har skaffa DAB i bilen, sidan bilen er av typen som i løpet av relativt få år kjem til å vere verd mindre enn kva det kostar å installere radioen. Nyleg hadde eg såleis gleda av å køyre Stavanger–Oslo utan DAB. Det er fire fylke og fem timar med P4, Radio Norge og diverse lokalradioar, som alle i hovudsak spelar den same musikken igjen og igjen, berre avbrote av dei mange reklameinnslaga.
Eg hadde fortent ein premie. I staden fekk eg Siv Jensens oppmoding om å røyste Frp, og Høgre-reklamen som seier «Vi tror på Norge» – som alltid får meg til å lure på kva for andre slagordalternativ det stod mellom – fleire gonger i timen. Langs sørlandskysten sneik det seg to gonger også inn ein reklame med ei røyst som prøvde å forsikre om at «Ja, det går an å stemme KrF».
Dei raudgrøne høyrde eg ingenting frå, og det var kanskje like greitt. Hadde nokon på denne turen ymta frampå om at «Alle skal med» eller «Vi tror på hele Norge», hadde eg ringt Forbrukarrådet.
AU
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg håpar dei i alle fall trudde på det sjølv, den raudgrøne regjeringa som kom med forslaget: at DAB-radioen skulle vere meir lønsam og meir effektiv, og at han kom til å mangedoble kanalkapasiteten og gje større mangfald for lyttarane.
Berre Frp sa nei i Stortinget. Alle dei andre sa ja til at Noreg skulle satse på det ingen andre land hadde prøvd før.
Som eit resultat har vi sete i heimen vestpå i sommar utan FM-nett, men med to nye DAB-radioar som tek inn lyd berre tidvis. NRK Alltid Nyheter har kome sporadisk, EKKO har sendt halve setningar og NRK Urørt er uhøyrt.
Bror min, som er bonde, skaffa seg nytt hørselsvern med DAB-mottak. Han gjekk for øyreklokkene som skulle vere best, sjølv om prisen på dei svara til slakteinntektene for meir enn tre lam. Han ønskte å kunne høyre radio heile dagen no som før. Det kan han også, med mindre han går inn i fjøset, der betongen er ein for tjukk bøyg for dei digitale signala.
Sjølv er eg blant dei som ikkje har skaffa DAB i bilen, sidan bilen er av typen som i løpet av relativt få år kjem til å vere verd mindre enn kva det kostar å installere radioen. Nyleg hadde eg såleis gleda av å køyre Stavanger–Oslo utan DAB. Det er fire fylke og fem timar med P4, Radio Norge og diverse lokalradioar, som alle i hovudsak spelar den same musikken igjen og igjen, berre avbrote av dei mange reklameinnslaga.
Eg hadde fortent ein premie. I staden fekk eg Siv Jensens oppmoding om å røyste Frp, og Høgre-reklamen som seier «Vi tror på Norge» – som alltid får meg til å lure på kva for andre slagordalternativ det stod mellom – fleire gonger i timen. Langs sørlandskysten sneik det seg to gonger også inn ein reklame med ei røyst som prøvde å forsikre om at «Ja, det går an å stemme KrF».
Dei raudgrøne høyrde eg ingenting frå, og det var kanskje like greitt. Hadde nokon på denne turen ymta frampå om at «Alle skal med» eller «Vi tror på hele Norge», hadde eg ringt Forbrukarrådet.
AU
Fleire artiklar
Foto: Vibeke Ekeland Grønn
«For nokre månader sidan fekk eg eit anonymt tips i posthylla på jobben»
Skodespelarane Joseph Engel (Bastien) og Sara Montpetit (Chloé) i regidebuten til Charlotte Le Bon.
Foto: Cinemateket
Søte sommarskrømt
Falcon Lake er ein ven og var knalldebut frå Quebec.
Palestinarar på veg ut av Rafah måndag, etter at Israel varsla nye åtak i byen lengst sørvest i Gaza.
Foto: Ramadan Abed / Reuters / NTB
Den raude streken i Rafah
Kanskje skal sluttspelet i Gaza-krigen stå i Rafah. Det blir neppe kort.
Titusenvis av menneske har samla seg framfor parlamentet i Tbilisi dei siste vekene, i protest mot det dei kallar «den russiske lova».
Foto: Ida Lødemel Tvedt
Krossveg i den georgiske draumen
TBILISI: Demonstrasjonane i Georgia kjem til å eskalere fram mot 17. mai.
Mange meiner at det er no landet tek vegvalet mellom Russland og Vesten.
Utvalsleiar Line Eldring leverer NOU-rapporten om EØS-avtalen til utanriksminister Espen Barth Eide (Ap).
Foto: Terje Pedersen / NTB