Pressa svikta i Bakke-Jensen-tilsetjinga
Om norsk presse hadde følgt med, kunne dei alt 14. august ha avslørt at forsvarsminister Frank Bakke-Jensen var hemmeleg søkar til stillinga som fiskeridirektør.
Frank Bakke-Jensen vart utnemnd til ny fiskeridirektør i statsråd 21. september.
Jil Yngland / NTB
Politikk
vidar@dagogtid.no
I statsråd 14. august vart næringsminister Iselin Nybø oppnemnd som settestatsråd for fiskeriminister Odd Emil Ingebrigtsen i tilsettingsaka for ny fiskeridirektør. I statsrådsvedtaket, som vart publisert fredag 14. august, heiter det mellom anna at «Ingebrigtsen på grunn av sin relasjon til en av søkernes ektefelle av forsiktighetsgrunner fratrer».
Kva denne samanhengen var, og kven søkaren var, vart først kjent då Bakke-Jensen vart utnemnd til ny fiskeridirektør i statsråd 21. september. Søknaden hans vart halden hemmeleg heilt frå han søkte 16. juni.
Kongeleg resolusjon
Dag og Tid bad nyleg Statsministerens kontor (SMK) om innsyn i statsrådsforedraget, den kongelege resolusjonen, som forklarar bakgrunnen for at Nybø vart oppnemnd som settestatsråd. Her står fylgjande å lese:
«Statsråd Frank Bakke-Jensen er blant søkerne til stillingen som fiskeridirektør. Statsråd Ingebrigtsen er en bekjent av statsråd Bakke-Jensens ektefelle, Hilde Sjurelv. Statsråd Ingebrigtsen har vært styremedlem i Sjurelv AS, hvor Hilde Sjurelv både er daglig leder og leder av styret. Statsråd Ingebrigtsen deltok også i feiringen av Sjurelvs 50 årsdag i 2018. Statsråd Ingebrigtsen anser at relasjonen til statsråd Bakke-Jensens ektefelle er av en slik karakter at han bør avstå fra å delta i den forberedende saksbehandlingen av søknadene til stillingen som fiskeridirektør.»
Gav grønt lys
Dette inneber at søknaden frå Bakke-Jensen ville ha blitt kjend om nokon hadde bede om å få oppnemningsdokumentet utlevert frå SMK.
Det ville ha gjeve grunnlag for open debatt om søknaden frå statsråden til denne stillinga, slik tanken bak opne søkarlister er. Hemmeleghaldet avskar all debatt.
Dag og Tid har nå fått klarlagt at statsråd Ingebrigtsen kontakta SMK 23. juni og varsla om at Bakke-Jensen hadde søkt stillinga som fiskeridirektør. Ifylgje SMK gav Ingebrigtsen då dei opplysningane som er nemnde i den kongelege resolusjonen. SMK opplyser no også at Bakke-Jensen, før han søkte, spurde statsminister Erna Solberg om ho hadde noko imot at han som sitjande statsråd, søkte stillinga. Det hadde ho ikkje.
Vil ikkje forklare
Vi har stilt fylgjande spørsmål til Bakke-Jensen:
1. Kva er det ved deg som person eller stillinga di som gjer at du fann grunn til å be om anonymitet då du søkte stillinga som fiskeridirektør, medan statsrådane Elisabeth Aspaker og Bent Høie ikkje fann grunn til å be om anonymitet då dei søkte stilling som fylkesmann i høvesvis Troms 2014 og Rogaland i 2018?
2. Var det andre grunnar enn at du var redd du ikkje skulle få stillinga, eller var det av di du var redd det skulle bli offentleg debatt om kandidaturet ditt før du var utnemnd?
Statsråd Frank Bakke-Jensen svarar slik:
– Eg bad om unntak frå å bli ført med namn på søkjarlista for å unngå uro rundt stillinga mi som forsvarsminister.
Han avslår å forklare eller utdjupe dette.
Nærings- og fiskeridepartementet uttalar at «departementet var samd i at den særlege tillita som posisjonen som statsråd krev, gjorde det rett at han vart unnateken frå å bli ført med namn på søkjarlista».
Vi har også stilt spørsmål til statsråd Nybø. Ho opplyser at ho vart orientert om søknaden frå Bakke-Jensen «før sommarferien», og at ho kanskje måtte tre inn som settestatsråd.
Vi har spurt statsråden om korleis hemmeleghaldet av søknaden frå Bakke-Jensen, som ho er ansvarleg for, harmonerer med Venstres haldningar, Venstre som tidlegare hadde offentleglov og innsyn som noko av ei paradegrein.
Statsråd Nybø svarar at ho har ingen motførestillingar mot hemmeleghaldet av søknaden frå Bakke-Jensen.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Politikk
vidar@dagogtid.no
I statsråd 14. august vart næringsminister Iselin Nybø oppnemnd som settestatsråd for fiskeriminister Odd Emil Ingebrigtsen i tilsettingsaka for ny fiskeridirektør. I statsrådsvedtaket, som vart publisert fredag 14. august, heiter det mellom anna at «Ingebrigtsen på grunn av sin relasjon til en av søkernes ektefelle av forsiktighetsgrunner fratrer».
Kva denne samanhengen var, og kven søkaren var, vart først kjent då Bakke-Jensen vart utnemnd til ny fiskeridirektør i statsråd 21. september. Søknaden hans vart halden hemmeleg heilt frå han søkte 16. juni.
Kongeleg resolusjon
Dag og Tid bad nyleg Statsministerens kontor (SMK) om innsyn i statsrådsforedraget, den kongelege resolusjonen, som forklarar bakgrunnen for at Nybø vart oppnemnd som settestatsråd. Her står fylgjande å lese:
«Statsråd Frank Bakke-Jensen er blant søkerne til stillingen som fiskeridirektør. Statsråd Ingebrigtsen er en bekjent av statsråd Bakke-Jensens ektefelle, Hilde Sjurelv. Statsråd Ingebrigtsen har vært styremedlem i Sjurelv AS, hvor Hilde Sjurelv både er daglig leder og leder av styret. Statsråd Ingebrigtsen deltok også i feiringen av Sjurelvs 50 årsdag i 2018. Statsråd Ingebrigtsen anser at relasjonen til statsråd Bakke-Jensens ektefelle er av en slik karakter at han bør avstå fra å delta i den forberedende saksbehandlingen av søknadene til stillingen som fiskeridirektør.»
Gav grønt lys
Dette inneber at søknaden frå Bakke-Jensen ville ha blitt kjend om nokon hadde bede om å få oppnemningsdokumentet utlevert frå SMK.
Det ville ha gjeve grunnlag for open debatt om søknaden frå statsråden til denne stillinga, slik tanken bak opne søkarlister er. Hemmeleghaldet avskar all debatt.
Dag og Tid har nå fått klarlagt at statsråd Ingebrigtsen kontakta SMK 23. juni og varsla om at Bakke-Jensen hadde søkt stillinga som fiskeridirektør. Ifylgje SMK gav Ingebrigtsen då dei opplysningane som er nemnde i den kongelege resolusjonen. SMK opplyser no også at Bakke-Jensen, før han søkte, spurde statsminister Erna Solberg om ho hadde noko imot at han som sitjande statsråd, søkte stillinga. Det hadde ho ikkje.
Vil ikkje forklare
Vi har stilt fylgjande spørsmål til Bakke-Jensen:
1. Kva er det ved deg som person eller stillinga di som gjer at du fann grunn til å be om anonymitet då du søkte stillinga som fiskeridirektør, medan statsrådane Elisabeth Aspaker og Bent Høie ikkje fann grunn til å be om anonymitet då dei søkte stilling som fylkesmann i høvesvis Troms 2014 og Rogaland i 2018?
2. Var det andre grunnar enn at du var redd du ikkje skulle få stillinga, eller var det av di du var redd det skulle bli offentleg debatt om kandidaturet ditt før du var utnemnd?
Statsråd Frank Bakke-Jensen svarar slik:
– Eg bad om unntak frå å bli ført med namn på søkjarlista for å unngå uro rundt stillinga mi som forsvarsminister.
Han avslår å forklare eller utdjupe dette.
Nærings- og fiskeridepartementet uttalar at «departementet var samd i at den særlege tillita som posisjonen som statsråd krev, gjorde det rett at han vart unnateken frå å bli ført med namn på søkjarlista».
Vi har også stilt spørsmål til statsråd Nybø. Ho opplyser at ho vart orientert om søknaden frå Bakke-Jensen «før sommarferien», og at ho kanskje måtte tre inn som settestatsråd.
Vi har spurt statsråden om korleis hemmeleghaldet av søknaden frå Bakke-Jensen, som ho er ansvarleg for, harmonerer med Venstres haldningar, Venstre som tidlegare hadde offentleglov og innsyn som noko av ei paradegrein.
Statsråd Nybø svarar at ho har ingen motførestillingar mot hemmeleghaldet av søknaden frå Bakke-Jensen.
Hemmeleghaldet avskar all debatt.
Fleire artiklar
Lars Elling har skrive eit portrett av venen Stian Carstensen.
Foto: Trond A. Isaksen
Singel og sanatorium
Lars Elling skriv sprudlande, intelligent overskotsprosa
frå sinnets undergrunn.
Oppsettingar og konsertar er ein viktig og synleg del av skolegangen på musikklinjene. Her frå Hakkebakkeskogen ved Stord vidaregåande skule.
Foto: Stord vgs
Kampen om kunstfaga
Om kunstfaglege linjer ved vidaregåande skolar har livets rett, er ein årleg debatt når elevplassar og kroner skal fordelast.
Den norske fiskeflåten er mangfaldig. Her er ringnotfartøy ved kai i Egersund våren 2017.
Foto: Per Anders Todal
Fiskar er fiskar verst
Striden om kvotemeldinga kan få Fiskarlaget til å rivne.
Mannsutvalet saman med kultur- og likestillingsminister Lubna Jaffery under overrekkinga av rapporten.
Foto: Ole Berg-Rusten
Vil avlive likestillingsmytar
Forskar Mari Teigen ønskjer seg ein kjønnsdebatt bygd på kunnskap.
Statsministeren i Storbritannia, Rishi Sunak, har varsla at dei fyrste flya mot Rwanda skal vere i lufta løpet av ti til tolv veker.
Foto: Toby Melville / Reuters / NTB
Vil nytte Rwanda
som asylskremsel
Den som prøver å ta seg til Storbritannia med båt over Den engelske kanalen for å søkje asyl, risikerer i framtida å verte sett på eit fly til Rwanda utan høve til å returnere.