Péter Magyar er EU-venleg, men ein vanskeleg partnar

I fleire månader var det mistenkjeleg stille i Brussel når det var snakk om Ungarn og om valet som så mykje i Europa var avhengig av.

Di nærare vi kom valdagen, di hardare ord brukte Ungarns statsminister Viktor Orbán. Både mot Ursula von der Leyen frå kristendemokratane (CDU), som leier EU-kommisjonen, og mot Manfred Weber, ein annan kristendemokrat (CSU) som leier partigruppa Det europeiske folkepartiet (EPP). Begge to var avbilda på valplakatane til Orbán, som hevda at dei representerte eit EU som ville trekkje Ungarn inn i den ukrainske krigen mot Russland.

Men di kraftigare åtaka blei, di meir fåmælte blei politikarane i Brussel, som Orbán hadde utpeikt som fiendane sine.

Ei slik form for hjelp var nettopp det Péter Magyar og Tisza-partiet hans hadde ønskt seg i valkampen: Det gjaldt å sitje stille i båten og la Orbáns skuldingar om påverknad frå Brussel renne ut i sanden. Det var best Magyars EU-vener ikkje blanda seg inn.

Etter at Viktor Orbán hadde gratulert motstandaren sin med valsigeren sundag kveld, gjekk det under 20 minutt før Ursula von der Leyen skreiv følgjande på sosiale medium: «Ungarn valde Europa.» Dette var eit land som vende tilbake til «den europeiske vegen sin».

Dagen etter, ved lunsjtider måndag, føydde ho til: «De klarte det att, trass i all motgangen.» No talte ho direkte til det ungarske folket. «Akkurat som i 1956, då de tappert gjorde opprør. Og i 1989, då de var dei første til å kutte piggtråden som delte kontinentet vårt.»

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare