Monarkiet
Meiner at kongehuset må lære
Kongehusekspert Ole-Jørgen Schulsrud-Hansen meiner Netflix-dokumentaren bør medføre endringar for yngre generasjonar av den norske kongefamilien.
Märtha Louise og Durek Verrett i dokumentarfilmen som hadde premiere på Netflix tysdag denne veka.
Foto: Netflix / Handout / NTB
«Å være sjaman og gifte seg inn i kongefamilien… Det er veldig surrealistisk», seier Durek Verrett – introdusert som kjendissjaman – innleiingsvis i Netflix-dokumentaren Rebel Royals: An Unlikely Love Story. Og ordet surrealistisk er nok essensen av dokumentaren som er blant dei mest sette filmane i Noreg denne veka.
Ole-Jørgen Schulsrud-Hansen er kongehusekspert for TV 2 og gav torsdag ut boka Tronarvingen, om kronprinsrolla i norsk historie. Han seier dokumentaren er «mildt sagt kontroversiell».
– Då eg sette meg ned for å sjå, hadde eg bestemt meg for to ting. Eg skulle ikkje hengje meg opp i det som har med sjamanisme å gjere. Det forstår eg heller ikkje. Og eg skulle ikkje bry meg om brot på avtalen dei to har med kongehuset. Den verka det før tysdag heller ikkje som at kongehuset eller prinsessa brydde seg om. Likevel var det nok å ta av, og det mest graverande er rasismeskuldingane som vert sette fram mot kongeparet, og som gjer dokumentaren skandaløs.
– Det er Verrett som snakkar om rasisme i dokumentaren, og det verkar som han har ei anna oppfatning av både kongeparet, kongehuset og Noreg enn det nordmenn flest har. Trur du dokumentaren råkar kongehuset, eller er han så langt ute at det bikkar over?
– Eg synest han er så langt ute at det bikkar. Det vert som dokumentaren om Megan og Harry, som ikkje har fått særlege følgjer for det britiske monarkiet. Paradoksalt nok verkar det som at jo rarare ting Durek Verrett og prinsesse Märtha Louise gjer, jo meir sympati får kongehuset. Det har nok også å gjere med korleis dei vel å takle det. Hadde kongehuset gått ut i harnisk og snakka om det som vart sagt i dokumentaren, kunne det ha råka, men ved å vere heilt roleg og superdiplomatisk, seier dei eigentleg at dette er så langt unna oss at det ikkje er noko å kommentere.
– Nær fire av ti sa i fjor at dei hadde fått eit meir negativt syn på kongehuset, dei fleste på grunn av prinsesse Märtha Louise, Durek Verrett og saka rundt Marius Borg Høiby. Gjer Netflix-dokumentaren noko til eller frå?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
